رواية اصرة العزايزة (كاملة جميع الفصول) بقلم نهال مصطفي
خليفة وقوله البت مش موافقة .
كانت الدموع تسيل من مقلتيها وصوتها يرتجف من شدة الحزن والضعف الذي تعاني منه فهي لا تمتلك شخصا واحدا من أهلها يساندها لا أب ولا أم ولا أخ يحمل معها قفة الحياة الثقيلة .. اڼفجر خالها بامتعاض
وه وه وه .. !! أنت عاوزانا نكسروا كلمة خليفة العزايزي دي تطير فيها رقاب.. وبعدين ماله هاشم ديه بنات النجع كلمهم يتمنوه .
عيقولوا عليه واعر وطبعه چافي .. وأنا مش عاوزة واحد يچيلي يومين في الشهر ويعاود ع شغله .. أحب على يدك يا خالي بلاش تورطني وتكسر قلبي وتچوزني واحد مش رايداه .
رق قلبه لضعف تلك المسكينة فوثب من مكانه ليربت على كتفها بحنان
يابتي هاشم زين وكلهم تربية صفية أختي وبعدين ما أنت اتقدملك كتير وأنا كنت ارفضه لانهم مش مناسبين لك .. أما هاشم ارفضه ليه !! ده من كبرات النجع .
طب أقعدي معاه واتفقوا ولو كنتي لسه مش عاوزاه أنا هيبقى لي حديت تاني مع صفية ..ومحدش هيچبرك على حاچة ..
فاقت نغم من شرودها حول حديثها مع خالها على صوت نوال التي تخبرها
ست نغم سي هاشم بيه عاوز يشوفك بره ..
اشتعلت نيران الغيرة في قلب زينة التي دارت بجسدها كله صوب نغم وأردف بنبرة كهينة
خرجت أمها عن صمتها وهي تنتظر غروب نغم من مكانهم وقالت بعتب
ما تلمي روحك يا زينة مالك طايحة إكده ومحدش هامك داري على شمعتك تقيد يا حبيبتي وبلاش تزعلي نغم بحديتك الماسخ دهوت !!
هي دي هتحس ولا عندها ډم دي كلها دموع تماسيح يااما سيبك منيها ..
وقفت نغم أمامه بعدما جاءت لعنده بخطى المجبور على رؤيته وهي تحمل بقلبها غصة إجبارها عليه كما تحمل غصة لقائهم هذا .. رفع هاشم سبابته وبدون أي مقدمات للقاءهم الذي لا يتكرر إلا مرة كل عام في مجلس العائلة
شوفي يا نغم أنت بت خالتي وعلى رأسي ورأس رچالة وحريم النچع كله بس
فقاطعته إثر إعتراضه على وضعهم الساطع من وجهه ثم من يديه الموضوعة فوق حزامه الجلدي من توتره البين وكأن واقفا على موقد من لهب وقالت
راق له دخولها بأصل الموضوع بدون مقدمات وقال
زين قوي حش الحديت أبرك من ترقيعه ..
هزت رأسها بثقل
والمطلوب مني عشان نفضوها سيرة !!
ريحتيني يعني إنت كمان مش عاوزة يبقى خلصانين ..
جاوبت بشحوب وجهها
أنا كلمت خالي وقولتله أنا مش راضية بس هو يهمه رضا أبوك ..
فأكملت حديثها وهي تتأكد من إحكام حجاب رأسها
يعني رميت الكورة في ملعبي !! متعتلش هم الچوازة دي مش هتتم ..
تنهد بارتياح لتحسس نسيم سحب الحرية تقترب منه فقال بامتنان
هيبقى چميل مش هنسهولك طول عمري .. وربنا يرزقك بالأحسن مني ..
بادلته بابتسامة جامدة لا تحمل إلا الخيبة
مافارقاش .. عن إذنك ..
دوار خليفة العزايزي .
مالك يا حچ متأخد ليه
جاءت أحلام صاحبة الظهر المنحني لعنده إثر رؤيته جالسا مستندا على عكازه بعقل شارد في ملكوت الله رفع جفونه لعندها وقال بحزن وخيم
كلمت حد من كام يوم معرفة يدعبس على أخبار الچوهري لساته قافل معايا وقالي إنه ماټ من زمن وولده كمان ماټ من ٤ سنين .. حسيت الدنيا اتقفلت في وشي يا أحلام وشكل السر ھيدفن معاي ..
خيم اليأس فوق ملامحها وهي تردد بأسف
لا حول ولا قوة إلا بالله ..
ثم هز رأسه بخيبة أمل
من ساعتها وراسي دارت بس عرفت أن مرة ولده داكتورة كبيرة ف سكندرييه هاخد چاير ونروحولها بعد فرح هيام ..
تعلقت أحلام بقشة الأمل كالغريق
طب ما زين ديه يا حچ يمكن عنديها علم بحماها ولا چوزها كان يعرف حاچة عن أبوه !!
ولو معندهاش !! يبقى خلصنا والسر ھيموت مع اللي ماتوا يا أحلام ..
أسهبت أحلام فكرا بالأمر وقالت بخزى
المشكلة أن البت كبرت وياعالم فين أراضيها متچوزة حية ولا مېتة ..
أكمل بيأس
اتربت في الشارع ولا في ملجئ !! مۏتها كان أهون يا أحلام من مصيرها المچهول اللي عايشاه ..
ربك حنين قوي يا حچ واللي نچاها من المۏت آكيد كاتبلها قضا تاني يليق برحمته .. بس ..
وقف على أخر كلمة لها متسائلا
بس أيه يا أحلام !!
إمبارح خطرت على بالي قصة البت دي إحنا لو لقيناها هيكون ايه حلها !! البت كيف هترچعلنا ويرچعلها حقها ..
تأوه الشيخ لثقل الهم على عاتقه وقال
لو مكنش مۏتها يبقى عدلها تتچوز واحد من الولد من ولادي لإني سترت على اللي عمله ماهر ديه غير الفدية اللي هتدفع .. بس المصېبة مين هيوافق يشيل شيلة زي دي يتعاير بيها هو وولاده لآخر العمر .. العاړ يده طايلة يا أحلام والظلم واقع واقع ..
ربتت أحلام على كتفه مواسية
أقولك أيه يا حچ سيبها لتدابير ربك هو القادر يحلها بطريقة محدش يتخيلها .. أحنا نشوفوا كلام الست الداكتورة دي ويمكن يكون عندها الحل ..
بتر ساق الحديث بقدوم رؤوف الذي ألقى عليهما التحية وقال متسائلا
أومال هارون فينه .. بكلمو مش بيرد ..
تفوه أبيه
أنا مش واعي له من الصبح يمكن راح المصنع !!
جاء جابر يركض إليهم وهو يحمل قفة مشاكل النجع
يا حچ خليفة سي هارون فين البلد والع حريقة .. مشكلة كبيرة ولازما تتحل ..
هات العواقب سليمة يا ولدي !!
فتدخلت أحلام مستفسرة
بالحق هارون راح فين ده حتى مصبحش علي !!
ثم نظرت لجابر
سألت هيثم عليه يا چابر! بس هو يعني سي هارون معاودش لحد دلوق !!
غمغمت أحلام لتفهم منه
يعني أنت شوفته الصبح !!
خر جابر معترفا
أيوة كان طالع هو والاستاذة الصبح وقال مش هيعوق .. افتكرته جيه ..
هزت أحلام رأسها وهي تطلع خليفة بشك يحوم حول حدق عينيها وقالت لتغير مجرى الحديث
ما تقعد يا رؤوف يا حبيبي واقف ليه !!
لا يا عمتي هابقى أفوت عليكم بعد العشية يكون هارون عاود .. عن أذنكم
ما انصرف كل من جابر ورؤوف الذي جاء ليعرض على هارون أزمته مع نجاة كي يتوصلون لحل فجاء هيثم من الباب الخلفي للحديقة التي يجلس بها خليفة بجوار أحلام ليقول متسائلا
أحلام هارون فين !
راح مع المذيعة مشوار ولسه معاودش ..
تخابثت أعين هيثم الماكرة
مشوار لروحهم !! من غيري ! طب يا هرن يا ولد صفية ..!!
ثم رفع نبرة صوته قائلا لإعلام ابيه
النقالات الچديدة دخلت المخازن وكانوا عاوزين أمضته ..
بأحد المقاهي الشعبية ..
شوفت اللي حصل !! قال لك البت فتحت راس راجل طول بعرض ..
فأتبع الآخر پشماتة
ومش بس إكده دي زفته بڤضيحة هو وناسه .. وخلت سيرتهم على كل لسان ..
فأكمل الآخر
وحتى المچلس ما عرف ياخد معاه حق ولا باطل والمصېبة يا أخوي عامل فيها سبع رچالة وحرمة علمت عليه بقلة ..
جهر الرجال بضحك متعمدين
