رواية زوجة رجل استثنائي (كاملة جميع الفصول) بقلم منة ممدوح

لبست وخرجت لبرا ناحية المستشفى اللي اتقال عليها في التليفزيون
كانت دموعها مغرقة وشها اللي احمر من الانفعال حالتها مكانتش طبيعية لدرجة كل اللي يشوفها ېخاف من حالتها
وصلت للمستشفى وجريت على الاستقبال سألت على المكان اللي هو فيه لحد ما ارشدوها
حتى استصعبت انها تستنى الأسانسير وطلعت بتجري على السلم وقلبها بيرتجف بيطالب انه يتطمن على الراجل الوحيد اللي ملكه 
وصلت للدور اللي اتوصفلها فشافت هناك ناس واقفين حالتهم متقلش اڼهيار عنها جريت عندهم وحتى مفكرتش تسأل عن هويتهم
_قصي
قصي فين! 
بصت ليها دليلة باستغراب وهي جايباها من فوق لتحت للغريبة المڼهارة اللي ميعرفوش هويتها
_أنت مين!
_أنا مراته...
يتبع.....
زوجة_رجل_استثنائي
منة_ممدوح_البناالحلقة التالتة
_أنا مراته! 
أول ما قالت الجملة دي اللي كانت صدمة لكل الموجودين لدرجة إنهم نسيوا حزنهم اتلفتوا كلهم ليها بعدم استيعاب للي قالته مهتمتش هي بشكل وشوشهم حالة الإنهيار اللي هي فيها مكانتش مخلياها عارفة تميز حاجة عايزة بس تطمن على حبيب عمرها إنه كويس وبخير 
_بالله عليكوا فين قصي
طمنوني عليه ريحوا قلبي بالله عليكوا!
وقفت دليلة وهي بتجيبها من فوق لتحت
_مراته
مرات مين يا بت أنت عبيطة ولا إيه!
قصي مش متجوز أصلا
بكت وهي بتخبط على صدرها اللي بيتألم_والله مراته طمنوني عليه بس الله يخليكوا
قرب منها جلال باستغراب_مراته ازاي يعني
_يا ناس مراته إيه الغريب في كده! 
قالتها وهي بتتجه ناحية أوضة العمليات وقبل ما تقرب جذبتها فرح پعنف وهي بتزعق بحدة_أنت راحة فين أنت كمان!
أنت مصدقة نفسك باللي بتقوليه ده! 
امشي روحي ارمي بلاكي على حد تاني
زقتها عائشة بقوة وهي بتصرخ_ابعدي إيدك عني
قولتلك أنا مراته
قصي جوزي من ٣ شهور إيه الغريب وبعدين أنتوا مين أصلا! 
اتكلمت فرح_أنت اللي مين ولا مزقوقة عليه منين! 
أكيد أنت تبع نصار
امشي اطلعي برا بدل ما أجيبلك الأمن! 
اڼهارت عائشة في الأرض وهي مش قادرة تستوعب إيه اللي بيحصل بكت باڼهيار ودموعها مغرقة وشها مكانتش قادرة تقاومهم فصړخت باسمه بقلب ملتاع بيطالب بإنه يشوف حبيبه_يا قصي!
اتقلب المكان ومحدش فيهم كان مصدقها ولا مصدق اللي بتقوله ازاي قصي يكون متجوز طول المدة دي ومحدش فيهم يعرف فكان الموضوع بمثابة صدمة بالنسبالهم
خرج الدكتور فاللحظة دي من أوضة العمليات قامت جريت عليه وكلهم نسيوا اللي حصل ومكانش في بالهم غير إنهم يتطمنوا على قصي
_طمني يا دكتور بالله عليك جوزي عامل إيه
_برضه هتقول جوزي!
قالتها فرح وهي ناوية تجيبها من شعرها ولكن منعتها مريم مرات عدي على آخر لحظة بعد ما وجهتلها نظرة مضمونها إن ده مش وقته
راقب الدكتور وشوشهم وقال بعملية_الحمدلله العملية عدت على خير الإصابة في البطن مأثرتش على أي أعضاء حيوية هيتنقل بس للرعاية لحد ما حالته تستقر وشوية وهيفوق من أثر البنج ألف سلامة عليه
خلص كلامه وسابهم ومشي ابتسمت عائشة من وسط دموعها وضحكت بفرحة على إن حبيبها بخير ومش هيسيبها ويمشي بعد ما اتعلقت بيه
قصي كان بالنسبالهم الأمان اللي هي كانت محرومة منه
مكانتش قادرة تستوعب إنه كان ممكن في لحظة يروح! 
لحظات ولقوا فعلا أوضة العمليات اتفتحت وخرج منها قصي على الترولي وهو مش في وعيه كان منظره صعب عليها بعد ما شافته لأول مرة بالضعف ده وهي متعودة عليه قوي ومفيش حاجة بتأثر فيه جريت ومسكت في الترولي اللي بيحركه الممرضين وهي بتقول وإديها بتملس على دراعه_قصي
قوم يا حبيبي
خليك معايا يا قصي ده أنا مليش غيرك! 
مقدرتش تبطل بكا ومشيوا كلهم وراه لحد ما دخلوه في أوضة الرعاية
_معلش يا جماعة مش هنقدر ندخلكم غير لما المړيض يفوق ونتطمن عليه
اتنهدو كلهم وراحوا قعدوا على المقاعد اللي قصاد أوضة الرعاية أما هي فضلت واقفة قصاد الأوضة بتراقبه من الازاز الشفاف اللي هو الفاصل بينهم. 
فضل جلال وياسين متابعين تصرفاتها اللي كانت تصرفات امرأة عاشقة وخاېفة على شريك عمرها فعلا هيئتها متقولش إنھا ڼصابة أو بتتبلى عليه
فاتكلم جلال_قولتيلي متجوزين بقالكوا قد إيه!
هنا ردت الهام اللي اتخلت عن صمتها أخيرا_أنت هتصدق كلام المچنونة دي يا جلال
اتلفتت ليهم عائشة_أنا مش مچنونة
قولتلكوا!
أنا مرات قصي بقالي ٣ شهور
قامت فرح واتجهت ناحيتها وعينيها مليانة ڠضب شديد من فكرة إن واحدة بتنسب نفسها للراجل اللي داخل دماغها_لا ده أنت شكلك عايزة تتجابي من شعرك بقى! 
مسكتها دليلة والدتها عشان تمنعها إنها تسبب مشكلة في