رواية زهرة وسط اشواك الفصل العاشر 10 بقلم فريدة احمد

الهدوء ورسمت علي وشها ابتسامة خفيفة وهي بتمد الشاي ل حمزة وبتقول.... عملتلك الشاي بإيدي 
بصلها حمزة باستغراب وبعدين قال... بس انا ماطلبتش شاي 
حبيبة بأحراج... ما انا عارفة ان انت بتحب الشاي ف قولت اعمك
بصت زهرة ليها وقالت... كده ياحمزة مش تاخد من ايدها الشاي. يعني هي تاعبة نفسها وعملتلك الشاي 
وراحت هي اخدت الشاي من ايد حبيبة وقالت... شكرا.. بس انتي تعبتي نفسك علي الفاضي ياحبيبتي.. ماهو قالت مطلبتش حاجة 
وبكل برود راحت دلقت الشاي علي الارض 
بصت حبيبة ليها بعصبية وقالت ل حمزة.... ينفع اللي عملته ده ياحمزة. عاجبك اللي عملته ده
وهي شايطة من حركة زهرة
وقبل ماحمزة يتكلم زهرة قالت بنفس برودها.. والله انتي اللي غلطانة ماحدش طلب منك تعملي حاجه.. وهو لما يعوز حاجة هيطلب من مراتو. يعني مش محتاجك.. دا غير بقا انو بطل يشرب الشاي اصلا 
بصت حبيبة ل حمزة اللي هي عارفة انو بيشرب شاي كل نص ساعة 
حمزة قال... مراتي بقا وهي ادري بيا
حبيبة بصتلهم الاتنين بغيظ ودخلت جوا وهي بتنفخ
..... 
في المستشفى 
كان احمد واقف مستني الدكتور اللي بيكشف علي شيماء يخرج 
الدكتور خرج واحمد قرب عليه... ها يادكتور 
الدكتور... الحمد لله قدرنا نوقف النز. يف وبص في الارض ثم اكمل بأسف.. لكن مقدرناش ننقذ الجنين 
في اللحظة دي احمد اتنهد ب راحة 
الدكتور.... ربنا يعوض عليكم. عن اذنك
... 
عند حمزة وزهرة 
حمزة بص ل زهرة... ايه اللي انتي عملتيه ده
زهرة بتوتر... ع عملت ايه 
حمزة... متستهبليش اللي عملتيه مع البت ده
زهرة .... ماهي اللي بت بتتمايع وحركاتها مش عجباني 
ثم اكملت باندفاع وقالت.... وبعدين هي مالها بيك اصلا
حمزة رفع حاجبو... ودي غيرة بقي ولا اسميها ايه
زهرة... غيرة!!. لا دانت دماغك راحت ل بعيد خالص.. وانا هغير عليك ليه إن شاءلله.. بحبك مثلا 
حمزة ببرود... ممكن. جايز
زهرة.... لا. اوعا تفهم كده. انا عملت كده علشان انا مراتك وشكلي العام قدامهم. مش اكتر 
وقامت سابته ودخلت جوا پغضب وهي بټلعن نفسها علي تصرفها ده
حمزة كان بيبص عليها وهي ماشية متعصبة راح ابتسم عليها وبعدين قام ركب عربيته ومشي
...
دخلت زهرة جوا ولسه هتطلع 
قالت امينة ببرود اللي كانت قاعدة علي الكنبة.. ممكن يامرات ابني تعمليلي قهوة 
زهرة بصت ليها باستغراب وبعد ماكانت هترفض رجعت قالت... اشمعنا ما في شغالين هنا في الفيلا
امينة.... حابة اجرب قهوتك. ولا انتي بقا مش عاوزة تعمليلي 
زهرة... لا طبعا هعملك 
ودخلت المطبخ 
في اللحظة دي غمزت امينة ل حبيبة اللي كانت واقفة علي باب المطبخ وبسرعة لفت وعملت نفسها انها مشغولة واقفة بتحمر حاجة في زيت علي الڼار وشالت الطاسة 
وهوب وقعت الزيت في وش زهرة اللي اصتدمت بيها وهي داخة المطبخ 
زهرة صړخت و
يتبع...... 
زهرة_وسط_اشواك
البارت_العاشر
بقلم فريدة احمد