رواية دلالي (من الفصل الأول الي الفصل الخامس) بقلم رغد عبدالله

رنا قدامها و هى بتقول و أنا عملت حاجة غلط  
رجع ظهرة بالكرسى .. و قال وهو ساند بإيده على المكتب مش كدا .. بس حسنى طريقتك شويتين دى بت غلبانة مشفتش الحلو من الدنيا لسة
حست أن الډم بيغلى فى عروقها .. قالت فسرها وعلى جثتى لو شافتة .. أردفت بصوت جهورى خاېف أوى على مشاعرها ي سلام اد اية أنت انسان رقيق ..
حك ذقنه وهو بيقول بضيق ومخفش لية د عشرة و أنا مربيها على إيديا .. يعنى غالية عندى وأنت عارفة كد كويس .. 
رنا قالت پحقد حاولت تخفية لكن مقدرتش .. بس خدامة وهيفضل اسمها طول عمرها حتى لو أية إلى جرا خدامة فى قصرك .. و بصراحة بقى قربها منك مش نازلى من زور ! 
سليم بصلها بطرف عينه .. ساب الورق و قلع نظارتة وهو بيتنهد .. امم .. دى الحكاية بقى  
رفعت حاجب وهى بتقول بذربعة بطل تعمل انك فاهم فكل حاجة .. فية حاجات متقدرش تفهمها .. 
إبتسم سليم بخفة .. و قام مشى كام خطوة قعد قدامها عالكرسى إلى قبال المكتب لا هى الحاجات دى تتحس .. و حاجات زى الغيرة الاعمى يشوفها .. ! 
رنا اټصدمت فقالت بلغبطة .. ء انا !! ا اغير من دى ! لية شايفنى جاية منين ! 
جاوب سليم بهدوء .. الغيرة ملهاش علاقة بالشخص لانها بتبقى نابعة من القلب والقلب مبيهموش المظاهر .. و ساعتها بتتساوى فلاحة من الغيط مع الاميرة إلى فقصر لأن الحب واحد يا حياتى .. 
ربعت أيدها پغضب زى الطفلة اهو دة الى أنت فالح فية شوية فلسفة تسكتنى بيهم وخلاص .. بس اسمع أنا بجد هيبقى ليا موقف بعدين ! 
سليم ضحك بخفة .. طب و العمل .. ما هى شغالة هنا و طبيعى اتعامل معاها .. 
ابتسمت بإستهزاء على جنب اطردها .. ولا اطردها أنا ! 
ملامحه اتغيرت للفزع بعد ما حس بضړبة قوية فى منتصف صدره .. كانت احتجاج من قلبه على كلامها . ء إية أنت اتجننتى !
أردفت رنا بغرور .. متنساش أن د هيبقى بيتى لما نتجوز وأنا حرة فية وأنا إلى اختار مين إلى يقعد و مين إلى يمشى .. فلو ركبت دماغك و سبتها .. أنا بنفسى هطردها بعد الجواز و هيبقى قعادها زى عدمه ... 
سليم حاول يتحكم فى نفسة .. رنا اتكلمى عدل .. دلال عشرة ١٠ سنين من لما ابويا ماټ وهى معايا من قبل حتى ما اعرفك.. عايزانى ارميها فالشارع وهى حتى ملهاش مكان تروحة و لا قرايب .. دا ذنب كبير قبل ما يكون عيبة فحق نفسى و رجولتى ! 
رنا .. والله ايش يثبتلى انك بتحبنى أنا ايش يثبتلى أنك عايزنى أنا و مين يأكدلى نوايا ست دلال هانم بالخير و أنها مش عايزة تخطفك منى .. أردفت پجنون مين يعمل كدا !
سليم بهدوء و ثقة .. أنا .. أنا يا رنا والدليل على كدا انى اخترتك انت .. دلال دى اختى الصغيرة مش اكتر .. إنما انت إلى هتكونى مراتى و شريكة حياتى . 
سكتت وهى بصة فالارض .. قام وقعد قدامها وهى نازل على رجلة .. 
سليم بخيبة أنا نفسى اعرف مين إلى زرع فدماغك الافكار دى  
رنا نزلت دموع تماسيح و قالت بحزن .. أنا لما فكرت لقيت نفسى مش قادرة استحمل و جيتلك على طول .. ء أصلك متعرفش يا سليم أنت بالنسبالى أية أنت متعرفش أنا مريت بإية فحياتى لحد ما شوفتك .. ج جوز امى ونظراتة ليا بعد ما أمى ماټت ك كان بيهددنى أنة هيعتدى عليا لو مجبتلوش فلوس كل يوم علشان يروح يشرب بيها .. خلانى عابدة للقرش .. متعرفش أنا تعبت ازاى.. مريت بأد أية علشان اتعالج .. لحد ما قابلتك و و شلة الجامعة .. فاكر هز راسة بحنية لما بحس أنى هفقدك بحس أنى هرجع لنفسى القديمة وأنا م صدقت خلصت منها ! 
سليم بيمسح دموعها بحنية صح .. بس فاتك نقطة مهمة إن كلامك كله عن ماضى معدش حاضر .. فين جوز أمك . . مفيش .. بح كان مجرد فصل وحش و اتحرق .. و دلوقتى أنت معايا دلوقتى أنت مستقبلى .. ف مفيش داعى للتفكير د .. 
رنا بشقهات ضعيفة وسط دموعها ب بس دلال دى....
حط صباعة على بؤها و هو بيبص فى عيونها .. طلع من جيب بدلتة علبة مخملية .. عيونها لمعت لما شافتها فرد أيدها وبصلها بحب وهو بيلبسها خاتم رقيق .. معرفش إيه اكتر ممكن يثبتلك .. 
رنا بصتلة بذهول .. فابتسم وباس ايدها اتمنى متفكريش تانى بالطريقة دى لأنه مستحيل يكون بينى و بين دلال حاجة . 
كل دا ودلال واقفة عالباب و الصينية فإيدها بتترعش ... كلماته زى الخڼجر بتعصر فى قلبها .. كانت عارفة أن د واقع و هيحصل بس متخيلتش أنة هيبقى مؤلم كدا .. أول حب ليها هيبقى أول خذلان .. و أول مرة تحس بڼار الحب وهى بتكويها .. 
خبطت على الباب .. ادخل يا أبية  
سليم اتعدل احمم .. ادخلى يا دلال ..
دخلت وهى موطية راسها حذار أن عيونها تفضحها .. 
رجع سليم لمكانه على المكتب .. و فتح فونه وهو بيقعد و بعدها إبتسم وهو بيقول أية رأيك تباتى النهاردة هنا يا رنا  
الصينية وقعت من دلال عالأرض و هدوم رنا بقعت من تحت فقالت بزعيق ا أنت أية إلى عمليتة دااا ! 
دلال بصت لسليم پصدمة .. وضع الاخير إيده على رأسة بتعب .. عملتى أية يا دلال بس ! 
دلال بصت لرنا ءء .. مسكت طرف المريلة بتاعتها وبقت تمسح طرف فستان رنا وهى عيونها مدمعة أنا آسفة يا ست هانم مخدش بالى ... أخر مرة يا ستى .. أنا آسفة . 
رنا نفخت وهى بتدبدب على الأرض وبصتلها بقرف ... خلاص خلصنا .. بصت لسليم پغضب بعد ما دلال اتعدلت و خدت الصينية وقالت ثوانى هعملك واحدة كمان 
رنا بسرعة نفسى اتسدت .. كنت بتقول أية ي سليم  
سليم بابتسامة الطريق الى بتعدى منة علشان تروحى واقف علشان فيه حاډثه .. لو استنيتى هيبقى لحد الفجر ممكن فإية رأيك احمم .. تباتى هنا  
تصنعت الخجل .. م ماشى لحد الصبح و همشى ..
_فى المطبخ_
نجلاء بذهول لاا أنتى فيكى حاجة مش طبيعية ! 
دلال بإبتسامة مصطنعة .. مكانوش فينجانين إلى وقعتهم .. أنا كويسة .. 
نجلاء مسكتها من دراعها لا يمكن تكسرى كوبايتين فإسبوع واحد ! د أنا اصدق أن القط بيطير ولا أصدق كدا .. ! 
دلال بتعب .. ل لا أنا كويسة مش مركزة بس شوية .. 
مصمصت نجلاء شفايفها .. و حطت أيدها على كتف دلال بحنية .. قوليلى أية إلى شاغلك أنا مش لسة عارفاكى أول امبارح .. دا أحنا عشرة يا