رواية ملك ويوسف بقلم مجهول (كاملة)
انت في الصفحة 1 من 3 صفحات
يوسف وملك كاملة
هسألك سؤال وتجاوبيني بصراحه يا ملك
اسألي يا ستي
انت بتحبي يوسف صح
يوسف مين!
خطيبي يا ملك
هدى انت بتهزري!
اا.. الصورة اللي عندي دي كانت... كانت من زمان اصلا يا بنتي... وبعدين انا مسحتها من زمان
طب وكانت عندك ليه اصلا
تمام يا ملك... وانا اسفة اني سألتك سؤال زي ده
حقك يا ستي ولا يهمك
اكتر حاجة كنت خاېفة منها حصلت.... كنت خاېفة هدى تلاحظ حبي ليوسف.... الحقيقة اني فعلا بحبه... بس
ڠصب عني... انا بحب يوسف من زمان... من قبل ما اعرف انه بيحب هدى وهيخطبها...حبيته من اول سنة في الكليه.... مقولتش لحد خالص حتى اقرب الناس ليا.... انا وهدى اصحاب بقالها سنتين... هي اقرب صاحبة ليا ومقدرش اخسرها....حتى بعد ما هي ويوسف اتخطبوا انا فضلت معاها وطريقتي متغيرتش ابدا... هي مكنتش تعرف اني بحبه يبقى اكيد ملهاش زنب....يوم ما اتقدم لهدى كان اصعب يوم في حياتي... فضلت يومين منمتش من كتر زعلي وۏجع قلبي... ومع ذلك كنت جنبها دايما... وهي بتشتري فستان الخطوبة....وهي عند الكوافير... حتى في القاعه مسبتهاش لحظة....اكتر حاجة صعبة عليا هو احساسي اني خاېنة... بكره نفسي في كل لحظة بفتكره فيها.... من يوم ما خطب هدى وانا بحاول اطلعه من قلبي.... مسحت كل صوره وقررت اني هقطع مذكراتي... كنت بفضل اكتبله فيها واكلمه كأنه قدامي.... بس خلاص ده معدش بيحصل... انا متأكده اني هنساه... لازم انساه عشان هدى وعشان صداقتنا.
ملك...عايزاكي تيجي معايا نجيب حاجات لشقتي
تمام يا قلبي هلبس واعدي عليكي
تمام
لبست ونزلت مع هدى... جبنا حاجات لشقتها هي ويوسف.... اتفاجأت لما لاقيته جه معانا... كانوا حلوين اوي مع بعض.... انا مقدرش اكون السبب في تفريقهم ابدا... حتى لو كنت بمت مش هسمح ابدا انهم يبعدوا عن بعض بسببي...
هدى كفاية كده النهاردة... جبنا حاجات كتير اوي
معلش تعبتك معايا يا ملك
بت متقوليش كده هزعل منك
ابتسمت.. حبيبيي والله...طب بقولك كنت عايزة اجي اسلم ع مامتك عشان وحشاني اوي
تعالي طبعا... انت كمان وحشاها وكانت لسه بتسألني عليكي
طب هقول ليوسف يروح هو وهاجي معاكي
تمام..
روحنا البيت عندي... قعدنا انا وهدى وماما... هدى اتغدت عندنا وقضينا اليوم مع بعض.... هدى بالنسبالي اكتر من اختي... كل اما بشوف طريقتها
