رواية بدون ذكر اسماء (كاملة جميع الفصول) بقلم سمية عبد السلام

شكله و لا كنت عايزاه من الأول كل اللي كنت بفكر فيه ازاي اطلق منه.
جه مرة من الشغل لقي الاكل ريحة الشياط جايباه من عند الباب بس المرة دي كان ڠصب عني ماكنتش قاصدة لأني كنت حاسة بدور برد داخلني اقترح عليا اننا نخرج نتعشى برا ماكنش حتى عايز يقول ان بطنه وجعته من اكلي المحروق و احنا راجعين في شب خبط في كتفي و اعتذر مني بس جوزي اتعصب جامد عليه و مسكوا الاتنين في بعض كنت اول مرة اشوفه كده كان على طول هادي و بارد للحظة انا خۏفت منه خۏفت ايه انا اټرعبت حرفيا كان واحد تاني.
روحنا البيت و قلت ماهو طلع بيتعصب و بيضايق اهو اكيد اللي فات ده كله تمثيل انا هلجأ لاخر حاجة عندي و اكيد دي هتسبب مشكلة كبيرة و هي اني احړق القميص بتاعه و طبعا ده مش اي قميص ده كان اخر قميص والدته جابتهوله قبل ما ټتوفى و القميص ده غالي عنده اوي.
بس عشان كان نيتي سودة ماقدرتش اقوم الصبح من السرير وجسمي كله كان همدان و سخونة شديدة فاليوم ده خد اجازة من الشغل و فضل قاعد جمبي و جاب الدكتورة لحد عندي و بقا يعمل كمادات و ما سبنيش لحظة.
كنت برفض اخد الدوا عشان طعمه المر كان يحطه في العصير و كنت كل ما اقوله العصير ده طعمه وحش يقولي
معلش هو وحش عشان انت عيانة و اكيد طعم الحاجات مش هيبقا حلو في بؤقك بس لو خدتي الدوا هتخفي بسرعة و الطعم الۏحش ده هيروح
كنت بزعق و اقوله لأ انا عجبني العصير الۏحش ده و مش هاخد الدوا كان بيضحك و انا ماكنتش فاهمة هو بيضحك على ايه.
الحمدلله خفيت و قلت انزل اشتري طلبات البيت انا المرة دي عشان زهقت من الحبسة في البيت رحت اشتري طماطم لقيت الست بتقولي حمدالله على سلامتك يا استاذة
استغربت و قلتلها انت تعرفيني انا اصلا اول مرة اشوفها.
طبعا و عز المعرفة كمان ده الاستاذ انس جوز حضرتك كل يوم ييجي يشتري مني يديني فلوس ذيادة و يقولي ادعي لمراتي ربنا يشفيها و تقوم بالسلامة و كمان وراني صورتك على التليفون عنده وقالي شوفتي قمر إزاي 
اليوم ده روحت و انا مبسوطة بعد ما شريت كل طلبات البيت و كنت كل ما اروح لمحل يقولوا نفس الكلام اللي الست قالته بعد ما يعرفوا اني مرات انس للحظة شفت نفسي وحشة اوي و قلت هديله فرصة بقيت اعمل الاكل حلو و بشوف وصفات لاكلات جديدة و اعملها و بعد الأكل كنت بعمله القهوة بس المرة دي مسبوط مش سادة و كنت بطلع فنجان مخصوص