رواية بدون ذكر اسماء (كاملة جميع الفصول) بقلم سمية عبد السلام

انا هتجوز ده! ده لابس كعب كوباية و ألدغ و بنص لسان
ده كان رد فعلي لما شفت العريس اللي متقدملي كنت مصډومة يعني بعد ده كله اتجوز واحد يقولي يا يحمة رفضت بس بابا صمم وقال ان دي اسباب تافهة و كفاية انه شب محترم و ابن ناس و يعرف ربنا كويس و عشان بحب بابا وافقت و قلت قدامي فترة الخطوبة و هطفشه فيها بس فجأة هوبا اتخطبنا هوبا كتبنا كتاب هوبا الفرح و لقيت نفسي اتدبست في جوازة انا مش عايزاها بس ما أستسلمتش و قلت هزهقه في عيشته لحد ما يطلقني.
بقيت اتعمد احړق الأكل و انا أصلا نفسي حلو اوي في الطبيخ بشهادة الكل مرة الرز معجن مرة محروق لدرجة اني حړقت الملوخية و استنيت منه انه يزعق يتعصب او حتى ما يكلش لأ كل اللي بيقوله

تسلم ايدك الاكل حلو بس المرة الجاية اكيد هتعمليه احلى
كنت شايفة هدوئه و رد فعله اللي مش طبيعي بالنسبة لي ده برود و انه عايز يستفزني كان كل ما يطلب مني اعمله قهوة كنت بعملها سادة و انا عارفة انه بيحبها مسبوط و اوقات تانية كنت بخليها على الڼار لحد ما تفور و طعمهها يبقا مر اوي بس بردو كان بيشربها و ماتكلمش.
قلت ما بدهاش بقا ده شكله تنح جيت في يوم و ماعملتش الاكل_المحروق_ زي كل يوم و استنيته يرجع من الشغل اكيد هيتعصب و يضايق.
عملتي اكل ايه النهايدة يا يحمة اصل انا واقع من الجوع 
اضايقت من يحمة بتاعته دي و رديت ببرود و انا قاعدة على الكنبة
ماعملتش اكل ملحقتش
انا مش بشتغل ومش بعمل حاجة في البيت ومافيش مبرر او حاجة تعطلني لدرجة اني ماجهزش أكل لقيته كشړ و اضايق و انا قلت يافرج الله اكيد هنتخانق و همشي زعلانة بس لأ ده انا لقيته قرب مني و مسكني من ايدي و ابتسم
تعالي معايا
خدني و دخلنا المطبخ ساب ايدي و خرج الفون و جاب فديو من على اليوتيوب طريقة عمل الفراخ و رز و بطاطس لبس المريلة و خليني لبست انا كمان طلع الفراخ من الفريزر و بعدين حطها تتسلق بعد ما فكت و انا قطعت البطاطس بقا هو يعمل حاجة و انا اعمل حاجة و كمان كان بيساعدني فيها و تقريبا هو اللي عمل الأكل كله انا كنت يدوب بشارك خلصنا و بعد ما كلنا ابتسم و قال
شفتي انك شاطرة و بتعرفي تطبخي ازاي انا هبقا اقف معاك عشان اتعلم منك
لأ بقا ده بارد و مستفز ايه الشطارة في اني قطعت البطاطس! و بعدين هو اللي طبخ مش انا حد غيري كان هيفرح بكلامه بس انا مش متقبلة