رواية دمعة من سمراء (كاملة حتي الفصل الاخير) بقلم ايات الرحمن

احس بقلق كدا الدكتور خرج وقال ان انقذوا البيبي بمعجزه لكن نرمين حياتها في خطړ لانها اتعرضت لضررررب قوي كان ممكن
تفقد حياتها فيه في وقتها اهلي عرفوا وعاتبوني بشده خوفهم عليها كان كبير جدا وقرروا ان اول ما تفوق هترجع معاهم مصر
الدكتور قال ان نرمين نززززفت كتير ومحتاجه متبرع بأسرع وقت لان كل دقيقة بتمر بتشكل عليها خطړ كبير
من غير تردد روحت معاه واخدوا الكميه المطلوبه وبعد شويه
جيت الممرضه ومعاها طفله بين ايديها في الوقت دا كانت نسمه جت وقالت اكيد هتطلع مش حلوه زي امها نص ونص كدا
والدتي ردت وقالت بعد ما بصت ليا بنظرات كلها عتاب وقالت الجمال جمال الروح في ناس مش حلوه وبتبقي جميله من جواها وفي ناس بتبقي حلوه ودي ربنا يستر من نواياها نسمه بصت لوالدتي وسكتت
والدتي اخدت الطفله من الممرضه وقالت بسم الله ما شاء الله ربنا يبارك فيها ويحفظها 
والدي اخدها وباسها وقال ربنا يجعلها من الصالحات وبص ليا وقال البنت دي انا اللي هربيها مش هسيبها لاب مهمل زيك
حطيت رأسي في الارض وبصيت لغرفة العمليات بحزن وقربت اشوف الطفله 
معقول تكون جميله اوي كدا دي اجمل ما تخيلتها كمان
خدتها بين ايديا وضميتها احساس جميل اوي اول مره احس بيه في الوقت دا كان دكتور صديق ليا جه يتطمن لما عرف ان زوجتي في المستشفى جه واتطمن وفي لحظة انشغالي بالطفله اللي بين ايديا عيوني جيت عليه
لقيته بيبص لنسمه بنظرات غريبه كإن في بينهم حاجه وجهت نظري لنسمه لقيتها بتبادله بنفس النظرات وهنا الدكتور الثاني خرج وواضح عليه الزعل
والدتي سألته عن حالة نرمين
رد بحزن وقال للاسف
بقلمي أيات الرحمن