رواية عهد الأسود الفصل الثالث عشر 13 بقلم زهرة الربيع

بشك وقال..ليه يعني..انا بقوولك كل حسباتك دي مش في دماغي والنسبه لسنها انا هستناها وكمل قاصد ينبهه..وبعدين انا عمري ٢٥ سنه يعني الفرق بنا مش كبير قوي..ولو استنيتها سنتين تلاته مش مشكله
ضرغام حس بۏجع جواه من تلميحه فعلا هو اكبر من عهد بعمر...اتنهد وهو مش عارف ليه اتعصب عليه كده في النهايه هو حر في اختياره قال بقله حيله...براحتك يا اسد ..دي حياتك وانت حر فيها
ضرغام لسه هيمشي وقفو وقال..لا ما انا عايزك معايا يعني مثلا تفاتحها في الموضوع وتاخد لي رايها وتكلم جدي كمان
ضرغام بلع ريقه بحزن وقال...انت..انت قولتلها حاجه يعني...هيه..هيه كمان...بتحبك
اسد ابتسم بثقه وقال...انا مقولتلهاش حاجه بس متأكد انها هيه كمان بتحبني ...اصلا واضح من كلامها معايا
ضرغام اخد نفس پخنقه وهو بيجاهد علشان ميبينش غضبه وحزنه وقال...مبروك ...وطلع بسرعه على اوضتو
عند اسامه كان قاعد قدام الظابط وبيتحقق معاه واتعملو محضر واخدوه على الحجز طبعا تعتبر حالة تلبس وشوق اقرت انو فعلا خاطڤها
اسامه وقف وقرب منها وكان الي يفصلهم القضبان الحديد بتاعة الحجز بصلها وابتسم بسخريه وقال...زي ما انتي وصل بيكي الحال تسمعي للي قتل ابنك علشان بس تطلقي مني...حاجه مؤسفه فعلا
ليالي حاولت تحبس دموعها وقالت..انت الي وصلتنا لكده...انت يا اسامه...وعلى فكره الصحافه الي بره دول كلهم معايا وبكره فضحتك تبقى بجلاجل..وانا عارفه ان اكتر حاجه تهمك هيه الصوره المزيفه بالاحترام الوهمي الي راسها قدام الناس..فلو عايز الموضوع ينتهي هنا تطلقني يا اسامه وانا هخرجك بكل سهوله
اسامه بصلها وضحك پغضب وۏجع وقال ...تخرجيني...شوفي يا ليالي انتي عشرة ١١ سنه جواز يعني عيب لما تفتكري اني عاجز ومحتاجك تخرجيني... انا اعرف كويس اخرج من هنا وانتي براحتك افضحيني واعملي الي عيزاه متفرقش معايا...عارفه ليه لان الخۏف الي زرعتو في قلوب البشر يخليهم يسمعو وينسو في نفس اللحظه يعني فضايحك دي ولا تحركلي جفن حتى
ليالي قالت بضيق..اممم..يعني مش هتطلق
اسامه ابتسم بسخريه وقال..لا..هطلق..لان معاكي حق مش هينفع افرض نفسي عليكي...واخد نفس عميق وقال...انتي طالق يا ليالي طالق ياحب العمر...طالق ...والدموع اتجمعت في