رواية اجيب اتنين ليمون الفصل السابع 7 بقلم اية عز

افتكرت احداث امبارح حقيقي انا عمري ما كنت اتخيل اني احب ادم في يوم من الايام ولا اتخيل انه رومانسي وحنين عليا بالشكل دا لا ومطمنه معاه كمان 
فوقت على صوت الباب.... ايوا ايوا حاضر جايه ... مين
الباب خبط.... انا ادم ياطنط
فتحت الباب وببص لقيته ادم ابن فادي سلفي.... دومي 
ادم 
بصلها بحزن.... اه الحمدلله 
بصتله بشك.... دومي انا مفطرتش ممكن تاكل معايا وتفتح نفسي
ادم بطفوله وتسرع...ولا انا والله يا طنط ماما من الصبح قاعده بتتفق مع خالتو عليكي عشان تطفشك وانا ادايقت اما سمعت كدا وسبتها ونزلت 
بصتله پصدمه... اي... دومي حبيبي اكيد فهمت غلط 
ادم بحزن.... لا والله ياطنط انا مش عارف ماما حتى بتكرهك ليه وحتى مش عايزني اكلمك ولا انزلك حتى المهم خلي بالك من نفسك عشان هي هتجيب دهبها وتدخل شقتك بعد ما تنزلي تحت وتتهمك انك سرقاهم وهتقولهم انها شاكه فيكي وكدا اما يفتشوا هيلاقوا الدهب ف خلي بالك ماشي انا هطلع بسرعه قبل ما تاخد بالها اني نزلت 
بصتله پصدمه وهزتله راسي وانا مش مصدقه الي حكاهولي انا عملتها اي عشان كل الشړ والكره دا تكنه ليا ياربي انا لازم اعرف ادم الي حصل انا وعدته ماخبيش حاجه عليه تاني
في نص النهار لسا هيدخل من الباب جريت عليه... ادم 
هههه يابنتي انتي عمرك ماهتتغيري... معايا حتى ياقلب ادم 
.. اخد شاور وجهزتله الاكل.. واكلنا 
ادم كنت حابه احكيلك حاجه ... حكتله الي ادم الصغير قالهولي 
فجاه لقيته بيزعق وبيفتح الباب قعدت انادي عليه مابيردش ياربي يارتني ماحكتله دخلت البس استدال ولسا بخرج 
لقيته كلهم متجمعين.... ادم بيوجه كلامه ل ادم الصغير.... حبيبي قولي كل الي سمعته وحكيته ل طنط ايه 
ادم بصله ل امه پخوف
ادم الكبير حضنه.... متخافش ياحبيبي قول 
ادم جري استخبه في ابوه...انا مقولتش حاجه ولا سمعت حاجه مسمعتش ولا شوفت حاجه بجد صدقني بجد انا مشوفتش ولا سمعت حاجه صدقني 
رشا ابتسمت بخبث وهي بتقول.... ادم طول النهار مانزلش ولا سابني لحظه ومنال اختي تشهد بدا حتى 
زعقت فيها.... انتي كذابه وانا مش هسكت