رواية خارج عن المألوف (كاملة جميع الفصول) بقلم نشوة عادل
ازاى ده احنا لسه جايبن من ساعة مش اكتر واصلين هنا ٨ المفروض تكون الساعة ٩ ازاى بقت ١١!
مريم وهى بتحركه ي مراد انت سرحان ف ايه!
مراد ها لا أبدا مفيش يلا بقا لاننا اتاخرنا الساعة بقت ١١ واكيد امك قلقانة عليكى
مريم اوك باى ي استاذة خديجة وشكرا ع الاستضافة اللطيفة
خديجة حبيبتى هستناكى تانى
مريم اكيد
مراد وقف العربية مريم احنا خارجين الساعة كام وواصلين هنا كام!
مريم بقلق جيت ٧ ووصلنا ٨ بس ليه!
مراد احنا مكملناش ساعة فوق المفروض تقدرى تفهمينى ازاى الساعة بقت ١١ فجأة
مريم محاولة انها تتكلم بثقة لا احنا بقالنا كتير قاعدين ف حوار الكتاب والدار اللى هيطبع عن طريقها وحاجات تانية بس انت كنت سرحان
مريم انت مش عاجبنى ي دكتور لازم تروح لدوك نفسى مش ده كلامك ليا
مراد بضحكة بطلى لماضة ي بت زمان نادية ع اخرها وهتلعب ف عداد عمرنا لما نروح
مريم طيب يلا سوق عشان منتأخرش
بالفعل وصلها مراد وطلع معاها عشان امها تطمن انها كانت معاه ....نادية بتذمر كنتى فين لحد دلوقتى!
نادية مراد الساعة ١٢ الناس لما تشوفها راجعة البيت ف وقت زى ده هيقولوا ايه
مراد پغضب محدش يجرؤ يجيب سيرتها بحاجة وحشة ولو حد فكر مجرد تفكير
نادية برضا ربنا يخليك لينا ي حبيبى طب تعال ادخل اقعد شويه
مراد لا انا يدوب اروح انتى عارفة اختك مش بتنام غير لما اكون انا بالبيت يلا تصبحوا ع خير بقولك ي روما هنكمل كلامنا بكرة ان شاء الله
مراد بابتسامة ان شاء الله
عدى الليل وتانى يوم قامت مريم كالعادة عشان تروح ع كليتها استنت الباص لحد ما وصل وركبت وفجأة سمعت الصوت مۏت
برقت پخوف وصدرها بيعلوا وينخفض ست كبيرة بتعدى الطريق
نظرت مريم ولقت الطريق فاضى ..الصوت وقف حالا
مريم بصوت عالى وقف لو سمحت
مريم بصړيخ وقف العربية حالا
السائق طب ما تيجى انتى تسوقى مكانى هتبقى تنفعينى لو روحت ف داهية ودفعت غرامة
مريم لاحظت الست خلى بالك
وقف السائق العربية بسرعة وكان تقريبا ع وشك انه يخبط الست اللى قالت الله يخربيتكم ھتموتونا
بص السائق باستغراب لمريم وكذلك كل الركاب ..البنت اللى جنبها انتى عليكى عفريت ولا ايه عرفتى ازاى!
مريم الو حضرتك فين دلوقتى
خديجة ف المكتب
مريم ينفع اجى دلوقتى!
خديجة اكيد ف اى وقت
اخدت مريم تاكسى وراحت لمكتبها ولما وصلت دخلت ع طول ....خديجة طبعا جاية عشان تعرفى منى كانت بتظهرلك ليه
مريم هو انتى بتقرأى الافكار كمان
خديجة بضحك لا بس امبارح قولنا فيه جلسة تانية عشان نرد ع السؤال ده جاهزة
مريم بتنهيدة للاسف لازم اكون جاهزة
دخلت مريم ع الغرفة ونامت ع نفس الدايرة اللى عبارة عن رموز وطلاسيم ونامت وغمضت عيونها بعد ما استرخت
خديجة ها شايفة ايه!
مريم شايفة منى قاعدة ف الباص ماسكة فونها بتعمل ايديت للصور اللى اتصورنها عربية نقل ظهرت فجأة والسواق معرفش يفاديها وقع من ع الكوبرى ف النهر بالركاب
خديجة وبعدين
مريم مفيش حاجة
خديجة ركزى اكتر
شافت مريم نفسها ف قاع النهر والباص غرقان ف الناحية التانية مليكة ...صړخت مليكة ...مليكة موجودة
خديجة بتعمل ايه!
مريم پخوف بتبصلى بنظرات مرعبة حاسة انى بتخنق
خديجة مريم استرخى واتجاهليها ع انها مش موجودة المفروض ان ده ماضى مش حاضر
مريم قربت من الباص وخرجت چثة منى وفونها دخلت ف جسم منى ....خرجت منه بس بشكل منى واخدت الفون معاها واختفت
خديجة عدى لعشرة وفتحى عيونك
بالفعل سمعت مريم الكلام وقامت لكنها اټصدمت ان هدومها وهى غرقانة مياه وكأنها كانت بالنهر ولسه خارجة
مريم پصدمة ايه ده ازاى !
خديجة اهدى مش كل حاجة لازم تعرفى تفسيرها امسكى العباية دى البسيها وهاتى هدومك احطها ف الدراى
