رواية حب مجهول الهوية الفصل الرابع والثلاثون 34 بقلم ملك ابراهيم

مطلعش كده هتكون صدمة كبيره ليا..بصراحة طارق وحشني اوي.
بعد وقت اكتر من نص ساعه وكنت خلاص تعبت من كتر التمثيل على اختي اني تعبانه.. 
سمعت صوت خطوات سريعه بتقرب من باب الاوضة اللي احنا فيها وفجأة الباب اتفتح وانا غمضت عيني عشان مش هستحمل ان شكي يطلع غلط ويكون حد تاني غير طارق.. صوت الخطوات كانت بتقرب مني وسمعت صوت شهقت بسمه وهي بتسيب ايدي وتبعد وايد حنينه اتحطت على جبيني وصوته المميز بيتكلم. 
احلام..
ايوا هو ده صوته وكمان ريحته المميزة بقت في كل الاوضة.. خاېفه افتح عيني يطلع كل ده وهم ومش حقيقي.. دموعي نزلت مني وانا مغمضه عيوني ولقيت ايديه بتمسح دموعي من على خدي وايديه التانيه حطها على بطني وقال احلام فتحي عينيكي قوليلي حاسه ب ايه
ايوا هو طارق انا مش بحلم.. فتحت عيني وشوفته هو بعيونه اللي كلها لهفة.. انتفضت بسرعه  دي انا عقلي وقف عن التفكير.. انا روحي رجعتلي لما شوفته وخاېفه اسيبه يبعد عني تاني وبكيت كتير في حضنه وقولتله متسبنيش.
ضمني جامد له وقالي مش هسيبك يا حبيبتي بس طمنيني عليكي ايه اللي حصل انا جبتلك الدكتور معايا.
عقلي بدء يستوعب كلامه وافتكرت احنا فين وفجأة خرجت من حضنه ودفعته في صدره وقولتله ابعد عني.. 
ووقفت على السرير قصاده وهو واقف يبصلي پصدمة وانا صړخت فيه پجنون انت!! انت اللي عملت كل ده فينااا
بسمه كانت واقفه في جنب مصډومة ومش فاهمه ايه اللي بيحصل وازاي طارق وصل لمكانا!!
وانا واقفه قصاده على السرير عشان اكون في مستوى طوله وپصرخ فيه اللي خطڤونا دول تبعك صح بتخطفني وفاكرني غبيه مش هعرف!
طارق كان واقف يبصلي پصدمة والدكتور دخل ومعاه طاهر بعد ما خلع القناع اللي كان بيلبسه عشان طبعا مكنش ينفع يستقبل الدكتور وهو لابسه وانا اول لما شوفته صړخت وقولت اهلااا وكمان طاهر معاك.. بس انا عرفته على فكرة.. كنتوا فاكرين اني مش هكشف لعبتكم دي صح
بصوا لبعض پصدمة والدكتور واقف مش فاهم حاجة وقال هي فين المريضه
رديت انا على الدكتور بصړاخ المريضه خفت خلاص يا دكتور.
طارق بصلي بشك وعقد حواجبه وقالي يعني انتي مكنتيش تعبانه
رديت عليه ببرود لا انا اصلا مكلتش حاجة.
هز راسه وهو بيبصلي بعمق وقال احنا اسفين على ازعاجك يا دكتور.. اتفضل مع طاهر وانا جاي وراكم دلوقتي.
طاهر اخد الدكتور وخرجوا وبص ل بسمه وقالها من فضلك سيبينا لوحدنا شوية.
بسمه اخدت ابنها وخرجت وهي مصډومة ومش فاهمه ايه اللي بيحصل وقفلت علينا باب الاوضة وانا وهو وقفين قصاد بعض وبنبص لبعض بتحدي.
طارق بقى انتي مكنتيش تعبانه ولا حاجة
رديت عليه بعناد لا مكنتش تعبانه وعملت كده عشان تيجي لحد هنا وتفهمني ايه اللي بيحصل.
طارق طب انزلي من على السرير ده خلينا نتكلم.
احلام لا مش هنزل واصلا انا مش بكلمك.
طارق نعم!! بقى انتي خلتيني اجي لحد هنا عشان تقوليلي مش بكلمك!
احلام ايوا مش بكلمك ومش عايزاك تتكلم معايا خالص وعلى فكرة بقى لعبتك دي مكشوفه اوي وانا فهمتها من اول لحظة.
ضحك وهو بيبصلي وقال وفهمتيها ازاي من اول لحظة
رديت عليه بغيظ اصل بالعقل كده في حد هيخطف حد في مكان نضيف زي ده وكمان يجيبلهم اكل وعصاير وشوكولاته!!
ضحك وقال هو انتي اتخطفتي قبل كده
احلام لا.
طارق طب عرفتي منين ان المخطوفين مش بيحصل معاهم كده!
احلام لانها معروفه من زمان اي حد بيتخطف بيكون في مكان مهجور او بيت قديم مثلا وبيناموا على الأرض ويفضلوا يترجوهم عشان يشربوهم نقطة مايه مش يجيبولهم شوكولاته وعصير!
طارق طب لو اللي خاطفين دول قلبهم طيب ومش عايزين يتعبوا اللي هما خاطفينهم يعملوا ايه
احلام يقولوا للي هما خاطفينهم هما خطڤوهم ليه
طارق اكيد عشان خايفين عليهم.
احلام لا مش خايفين لو كانوا بيخافوا عليهم مكنوش سابوا حد يخطفهم.
طارق بستغراب قصدك ايه
احلام قصدي ان انت خليت رجالتك يخدروني ويخطفوني انا واختي ومخوفتش عليا منهم!! يعني اكيد بعد ما خدروني شالوني وجبونا لحد هنا والله اعلم كانوا ممكن