رواية في قصر يبدو عليه الفخامة (كاملة جميع الفصول) بقلم أماني السيد
اول استراحه هنزل اجيبلنا كلنا اكل
اول ما وصلوا الاستراحه
زين سلمى تاكلى ايه
سلمى برجر وبطاطس
ليان فرايد شيكن وبطاطس وكان دايت
زين اهم حاجه طبعا البيبسى دايت
خديجه انزلى معايا لو سمحت مش هعرف اشيل كل ده لواحدى
خديجه عشان تضايقي سلمى نزلت معايا ولما دخل الاستراحه اتفاجئوا بسلمى وراهم على طول واشتروا الحاجات اللي هم عايزينها وخديجه استاذنت منهم ان هي تسبقهم على العربيه
وزين لما جيت وشافها ابتسم في سر وحاسس انها لسه بتكنلوا مشاعر
سلمى ممكن اعرف ايه اللى مقعدك مكانى
خديجه رجلى وجعانى وقعت عليها قبل كده وعشان تخف لازم تبقى مفروده وورا بتبقى متنيه ووجعانى
سلمى لا يا شيخه
خديجه اه يا شيخه
زين خلاص يا سلمى احنا مش اطفال هنتخانق خديجه فعلا وقعت على رجليها قبل كده وممكن يكون الشغل تاعبلها رجلها سبيها واقعدى انتى ورا
زين خلى سلمى تمشى اللى فى دماغها عشان تهدى عليه شويه ويحاول يميل دماغها تانى
وصل سلمى بيتها وكان هيوصل ليان لكن ليان وخديجه قالولوانها هتيجى معاهم
فعلا اتحرك على القصر ودخلوا كلهم وورده اول ما شافتهم استغربت اوى
زين اهدي يا ماما احنا كويسين ما فيش حاجه
خديجه اطمني يا ماما ورده احنا كويسين بس أأأ
ورده بس بس ايه في ايه
خديجه بتوتر انا هسيب القصر واروح اقعد عند ليان فتره وبعد كده هروح اقعد في بيتي
ورده ليه هي ليان تعبانه ولو تعبانه تيجي هي تنورنا هنا وانا بنفسي هاخد بالي منها
ورده ليه حصل ايه يا خديجه زينه عمل لك ايه عشان تاخدي قرار زي كده
خديجه وزين سكتوا واتوتروا ومش عارفين يقولوا ايه
ليان لا يا طنط ورده اصل خديجه اتخانقت مع سلمى وسلمى قالت لها كلام وحش قوي
ورده سلمى مين وزفت مين اوعى يكون سلمى اللي في دماغي
ورده قالت لك ايه بقى ست سلمى عشان يخليكى تزعلي كده وتسيبي البيت وتسيبيني كده يا سلمى اهون عليك وتسيبيني عشان خاطر واحده زي
دي
حد يحكيلي ايه اللي حصل بالظبط وايه الكلام اللي هي قالته
ليان حاكتلها كل حاجه بالتفصيل
ورده طيب انا عايزه اعد مع خديجه لوحدنا محدش يدخل علينا . ليان ده بيتك مش محتاجه عزومه وشويه انا وخديجة هنجيلك
خديجه ..........
ورده خديجه انت بتحبي زين وقبل ما تقولي اي حاجه اعرفي اني عارفاك كويس اوعي اوعي يا خديجه تكدبي عليا
خديجه ساكته مش عارفه تقول ايه ڠصب عنها قلبها بيميل ليه بس كرامتها عندها اهم
ورده فهمت خديجه بتفكر في ايه
ورده خديجه اوعي تكوني فاكراني قاعده هنا ومش عارفه ايه اللي بيحصل حواليا انا عارفه علاقه نور بزين من البدايه خالص بس كنت عامله نفسي مش واخده بالي وعايزه اقول لك حاجه بس ما تفاجئيش زين بيحبك هو بيحبك قوي كمان
خديجه بيحبني امال لو بيكرهني هيعمل فيا ايه هيموتني بقى عشان ما يشوفنيش
ورده زين خاېف يا خديجه خاېف بتعلق بيكي وتسيبيه وهو غشيم فبيطفشك عشان تبعدي عنه لانه مش هيقدر هو اللي يبعد عنك بدليل انه ساب الشغل اللي ورا كله وجه مخصوص
وراكي عشان يحاول يقنعك ما تمشيش بس بشكل غير مباشر عايز يضغط عليكى من خلالي
خديجه حضرتك ما سمعتهوش قال عني ايه انا سمعته وداني هو شايف انه بيعطف عليا بيشفق عليا
ورده وانت عارفه ان ده مش صحيح يا خديجه ده اللي هو بيحاول يقنع نفسه بيه عشان عارف انه مش حقيقي الكلام ده لو قالوا لو بجد يقصده ما كانش قدر يقوله لكن ده اللي بيحاول يقنع نفسه بيه وده دليل قوي على كلامي
خديجه سامحيني يا ماما ورده انا مش عارفه اصدق كلامك
ورده ما تستعجليش يا خديجه بكره هتصدقي كلامي
خديجه سكتت مش عارفه ترد
ورده خديجه ما تفكريش كثير وما تعمليش حاجه نفذي اللي انت عايزاه وسيبي هو اللي يتصرف وانا هديكي زقه اساعدك بيها وهخليك بعد كده تتاكدي بنفسك من كلامي
خديجه يعني عايزاني اطلع دلوقتي اقول اني رجعت في كلامي انا اسفه مش هقدر اعمل كده
ورده وانا ما قلتلكيش يا خديجه اعملي كده روحي لمي هدومك وحاجتك حطيها في شنطه بس ما تاخديش حاجتك كلها خدي شويه حاجات بسيطه
خديجه يعني انت موافقه ان انا امشي
ورده بملامح غير مفهومة
روحي يا خديجه ما تسيبيش صاحبتك بره لوحدها كثير عيب كده
خرجت ورده وخديجه من الغرفه وورده اول ما خرجت من الاوضه بان على وشها ملامح الحزن
ورده خلاص يا خديجه اعملي اللي يريحك المهم انك تكوني مبسوطه
هتيجي هزه راسها وطلعت وحطت هدومها الشنطه وهي نازله من على السلم سمعت زين پيصرخ ماما ماما مالك
يا حبيبتي فوقي وليان جنبه مخضوضه وبتحاول تفوق ورده وزين نده على خديجه
زين خديجه الحقي يا خديجه الحقي اتصلي بالدكتور بسرعه خليه يجي
خديجه اتصلت بسرعه على الدكتور وهي نازله كانت مخضوضه وزين شال مامته وطلعها غرفتها وخديجه وراه
خديجه حصل لها ايه يا زين كانت بتكلمني من شويه كانت كويسه ايه اللي حصل في ايه
زين ما اعرفش يا خديجه مره واحده لقيتها بتقول لي الحقني وبعدين وقعت واغمى عليها زي ما انت ما شايفه بعد شويه الدكتور جاء ودخل كشف عليها
الدكتور مين اللي مسؤول عنها
خديجه وزين مع بعض انا
الدكتور الهنم كان ضغطها عالي واضح ان في حاجه زعلتها جامد ورفعتها الضغط بالشكل الكبير ده اتمنى منكم ما حدش يزعجها وشوف وهي عايزه ايه واعملوه وابعدوا عنها اي توتر
زين وصل الدكتور وخديجه دخلت وراه لورده
خديجه كده يا ماما ورده بتخوفيني عليك انت مش عارفه غلاوتك عندي عامله ازاي انت عارفه ان انا ما اقدرش ابعد عنك ولا استغنى عنك ابدا انت عوض ربنا ليا بعد امي الله يرحمها
ورده لا يا خديجه بتستغني بدليل ان انت عايزه تسيبيني وتمشي
خديجه ڠصب عني انت عارفه
ليان حاسه ان دي حركه من ورده عشان خديجه ما تسيبهاش وتمشي وقررت تساعدها
ليان طيب خلاص يا طنط ورده خديجه هتقعد معاكي لحد ما تبقي كويسه وتقومي لينا بالسلامه تاني
زين وانا اوعدك يا خديجه اني لانا ولا اي حد ثاني ممكن يضايقك او يجي عليكى
سابهم زين يتكلموا ونزل المكتب اتصل بمازن وحدد معاه ميعاد عشان يقابله واثناء الجلوس زين في المكتب دخلت عليه الشغاله بفستان
الشغاله زمبي الفستان ده جاي من شويه من بوتيك _____ اعمل ايه فيه
زين طلعيه في اوضه خديجه استني
كتب ورقه واداها للشغاله وقالها تحطها مع الفستان
واخذت الشغاله الفستان وطلعته اوضه خديجه وحطت الورقه على الكفر
