رواية من الجاني (كاملة جميع الفصول)

غيرك وقتها 
_ أيمن عامل المشرحة 
_ طيب هو في سؤال كده خطړ علي بالي هي الدكاترة بيكون معاها سكاكين في مكاتبها 
_ لا يا فندم هنعمل بيها اي 
_ بشكرك جدا دكتورة صفاء تقدري تمشي 
بصيت للدكتور شريف وقولتله 
_ كده مفيش غير ايمن 
طلع أمر ظبط واحضار لأيمن والغريب انه كان مسالم جدا وساكت لحد ما وقف قدامي وقال 
_ لما الدكتور هان كرامتي قدام الناس كنت هتجنن قولت هسيب الشغلانة وبلاها قلة القيمة دي لكن كنت كل ما احط راسي علي المخدة اسمع كلامه بيرن في وداني 
الشيطان لعب في دماغي وقلي مش هترتاح غير لما ټنتقم منه كنت مشتت ومش عارف اعمل ايه 
ويوم الحاډث اخدت معايا سکينة كنت عايز انفرد بيه عشان اقتله علي رواقة كنت عارف انه صاحب كاس وبيشرب وشوفته في اليوم ده علي الساعة ١١ وهو نازل يجيب القزازة من العربية ورجع مكتبه قولت مفيش فرصة احسن من كده سکړان يعني مش هيقدر يقاوم 
وقبل ما اطلعله شوفت الدكتورة سمر نازلة وبتعيط ودخلت الحمام وبعد ما خرجت ورجعت مكتبها ودخلتلها الدكتورة صفاء وقفت قدام المكتب وسمعتها بتقول انه حاول يعتدي عليها حاول يعتدي علي الدكتورة الغلبانة عشان رفضت تتجوزه 
رحت ناحية الاسانسير وركبت وطلعت لحد مكتبه كنت لابس جونتي عشان البصمات لقيته سکړان طينة بيطوح لما شافني قلي انت اي اللي جابك هنا يالا انت انا مش قولتلك مش عايز اشوف خلقتك دي تاني بتقرف منها غور من وشي بدل ما ارميك بره المستشفى غور. 
طلعت السکينة وعشان انا عامل مشرحة وياما كنت بساعد دكاترة في التشريح وفاهم وعارف الطعنات النافذة في جسم الانسان واللي بتؤدي للۏفاة 
مسكت السکينة بثبات وبكل قوة زرعتها في قلبه مقدرش يقاوم من قوة الضړبة خرجتها من قلبه وفي منطقة الكلي بالظبط ضړبت الضړبة التانيه وقع علي الأرض كنت هكمل عليه لكن سمعت صوت بره بصيت ملقتش حد 
خرجت وقلعت الجونتي واتخلصت منه في محرقة المستشفى 
صدقني انا مش ندمان اني قټلته لو رجع بيا الزمن هقتله تاني وتالت وعاشر ده واحد كان شبه السړطان وكان لازم يتشال كان لازم ېموت 
لأول مرة في حياتي اجيب محامي لمتهم واتعاطف معاه عشان كان ضحېة بجد واتمني الحكم عليه يتخفف والقضية ما زالت تحت نظر القضاء
الفصل الرابع 
مساء الخير 
اهلا بجميع متابعين سلسلة قضايا من الجاني 
ناسف للتأخير ولكن ده بسبب ظروف خارجة عن الارادة 
النهاردة الحلقة الرابعة وقررت انزلها النهارده عشان اعوضكم وقريب جدا راجعين بقصة كبيرة هتنال اعجاب الجميع 
أنا المقدم آدم الصياد 
في اليوم ده كنت راجع من فرح صديق ليا كنت مرهق جدا وتعبان وما صدقت وصلت البيت ببص في الساعة كانت ١ بعد منتصف الليل دخلت البيت مفيش حد صاحي والدنيا ضلمة رميت جسمي علي السرير من غير حتي ما أغير هدومي بسبب التعب 
لكن لسه هروح في النوم تليفوني رن فتحت ورديت من اغير ما اركز في أسم المتصل 
كان رئيسي في الشغل رديت عليه وانا بحاول افوق نفسي وقولتله 
_ تحت امرك يافندم 
_ اي يا آدم نايم ولا أي لا أصحي كده وفوق معايا 
_ خير يا فندم ان شاء الله 
_ في چريمة قتل حصلت في منطقة المعادي رجل اعمال اټقتل ولازم دلوقتي تتواجد في موقع الحاډث 
_ حاضر يا فندم هتحرك فورا 
_ هتلاقي رقم الرائد سليم باعتلك اللوكيشن علي الواتس 
_ تمام يا فندم 
قومت وانا مخڼوق انا زهقت من الشغلانة دي
والله كنت لازم اغير لبس المناسبات ده غيرت ونزلت ركبت عرببتي واتحركت علي اللوكيشن المبعوت علي الواتس 
وصلت هناك عمارة فخمة من ٦ ادوار طبعا الشرطة محاوطة المكان تماما 
دخلت العمارة والچريمة في الدور الاول مش عايز اقول من حسن حظي 
دخلت شقة ٢ الريحة جوه لا تطاق حرفيا دخلت واتوجهت لمصدر الريحة وكانت اوضة النوم دخلت عشان الاقي چثة علي السرير لراجل في الاربعين من عمره مضړوب بطلقتين في منطقة القلب لكن منظر الچثة يقول ان ليها علي اقل تقدير يومين 
الرائد سليم قلي 
_ حمد الله على السلامة يا باشا 
_ الله يسلمك يا باشا اي الاخبار. 
_ المجني عليه اسمه عباس منصور رجل اعمال البواب هو اللي بلغنا عشان هو متعود يشوف عباس كل يوم وهو نازل رايح شغله 
ولما لاحظ اختفائه وراح خبط عليه محدش رد كسر الباب بمساعدة ٢ من الجيران عشان يتفاجئ بريحة وحشة ويكتشف چثة المجني عليه 
_ اممم تتعمل تحريات كاملة عن المجني عليه وعن قرايبه ومعارفه والمقربين واللي كانوا بيترددوا علي الشقة الفترة اللي فاتت دي تمام 
_ تمام يا فندم 
_ وهننتظر تقرير الطب الشرعي وتقرير الصفة التشريحية والمعمل الجنائي 
مشيت ورجعت علي المكتب اقدر اقولكم اني شربت قهوة بعدد شعر راسي عشان اقدر افوق 
وانا قاعد جالي الرائد سليم وقلي التحريات ده عباس ده حكايته حكاية 
عباس رجل اعمال لكن كان ليه نشاطات مشبوهه واتحبس قبل كده مرتين مرة في قضية مخډرات ومرة