رواية من الجاني (كاملة جميع الفصول)
في حي راقي جدا العمارة ليها شركة آمن مش مجرد حارس عمارة
طلعت الشقة اللي كانت في الدور التاني
شقة المجني عليها وخليني اختار ليها اسم مستعار واقول نورهان
باب الشقه مفتوح والطب الشرعي وخبراء من المعمل الجنائي جوه لفحص الأدلة ورفع البصمات
دخلت الشقة شقة كبيرة بصيت على باب الشقة مكنش فيه كسر ولا اي حاجة الباب سليم
وده يوضح ان المچرم مكسرش الكلون عشان يدخل يعني معاه مفتاح وكده الشك في ناس جوه مش بره
ده طبعا مجرد انطباع
لما دخلت لقيت چثة الفنانة علي كرسي في الصالون ولقيت الظابط أكرم واقف مع بنت في العشرينات كده وكانت بټعيط قربت منهم
_ حمد الله على السلامة يا فندم دي جميلة كان بتخدم الفنانة قبل ما ټموت
_ اممم اهلا يا جميلة عاوزك تهدي كده عشان نعرف مين اللي قتل الفنانة ونجيب حقها
لقيت جميلة برقت وقلتلي
_ قتل! هي ممتتش مۏتة طبيعية
_ حتي الان مش عارفين بس الارجح انها اټقتلت
في الوقت ده كان الطب الشرعي والمعمل الجنائي خلصوا والكلام المبدئي توجد شبهه جنائية في الموضوع وقالوا هنوفيكم بالتقرير والادلة في اقرب وقت
وبدأت التحقيق في القضية
المشتبه فيهم ٣ عشان هما اللي معاهم نسخة من مفتاح الشقة
الاول هو شقيق المجني عليها مصطفى
مصطفى كان دايما في مشاكل مع اخته نورهان اللي اكبر منه ب٥ سنين والمشاكل سببها الفلوس
مصطفى مضيع كل فلوسه علي السهرات والشرب وكان بيطلب دايما من اخته فلوس وكانت بترفض
وفي اخر مرة زارها قالها انه هيرفع عليها قضية حجر
التاني هو عبد الباسط حارس الامن بتاع
بليل وعلاقته بالمجني عليها علاقة عطف منها ظروف عبد الباسط صعبة خصوصا ان والدته في المستشفى بتغسل كلي
ودايما مدام نورهان كانت بتديله فلوس
لكن ده خلي عبد الباسط يتجرأ ويطلب منها مبلغ كبير عشان علاج والدته وللاسف رفضت
استنيت تقرير الطب الشرعي والمعمل الجنائي لحد ما وصل وزي ما توقعنا المجني عليها تم خنقها بسلك مطاط وتم كتم النفس حتي المۏت
والادلة اللي جمعها المعمل تتمثل في تليفون المجني عليها اللي اثبت من خلال صور ليها عليه ان في عقد اتسرق من مدام نورهان عشان لما دور خبراء المعمل الجنائي لقيوا الصندوق اللي ظاهر في الصور لكنه كان فاضي
وبدأنا التحقيق بالاستاذ مصطفى
_ سبحان من له الدوام اتفضل
_ كانت اي علاقتك بأختك مدام نورهان
_ علاقة عادية جدا وبعدين انا متهم بحاجة
_ اه انت مشتبه فيه عشان انت كنت في مشاكل دايما مع مدام نورهان بسبب الفلوس وهددتها انك هتحطها في دار رعاية
_ لا طبعا انا مستحيل اعمل كده اه في خلافات بس متوصلش اني اقټلها
المتهم التاني عبد الباسط حارس الامن
_ اهلا يا عبد الباسط اخبارك اي
_ الحمدلله بخير مستورة
_ انت عارف انك متهم پقتل مدام نورهان
_ انا يا باشا انا معرفش اعمل كده والله ما اعرف
_ يعني انت ممكن تكون فكرت تخلص منها عشان تسرق العقد الغالي عشان علاج والدتك خصوصا انها رفضت تساعدك
_ لا يباشا هي ساعدتني كتير بس فلوس العملية كانت كتير وهي قلتلي انها مش عاوزة تحرجني بس معاها شويه مشاكل كده ولما تحلها هتديني الفلوس
_ ما انت ممكن تكون مصبرتش علي انها تديك الفلوس وقررت تاخدها بنفسك
_ والله ما حصل يباشا والله ما حصل
المتهم التالت جميلة الخدامة
_ انا مقدر ان الست نورهان كانت غالية عليكي بس انا عاوزك تهدي
_ كانت غالية عليا اوي والله
_ بس هي كانت بتعاملك وحش مش كده
_ مقدرة ده عشان اللي حصل انها كانت مترشحة لفيلم كبير وبعد ما اتفقوا معاها رجعوا في الاتفاق
الموضوع تعبها وخلاها تاخد الحبوب المهدئة
_ طيب انتي عارفة انك في دايرة الاشتباه يا جميلة
_ يلهوي يا بيه انا مستحيل اعمل كده مستحيل
_ اممم عموما هنشوف
انتظرت تقرير الصفة التشريحية واللي كان فيه مفاجأة ان المجني عليها تم تخديرها عن طريق حباية في فنجان قهوة قبل الخنق وهنا الشك كان في جميلة
لكن مع تفريغ كاميرات المراقبة جميلة نزلت من العمارة في توقيت الچريمة واللي طلع العمارة الاستاذ مصطفى بس مطولش فوق ونزل وبعدها عبد الباسط ساب مكانه وطلع فوق
بس في تفصيلة صغيرة هتخلي في شك في التلاتة
العمارة ليها باب خلفي ومفيش هناك كاميرات
انا بالنسبالي عرفت من الجاني تفتكروا انتوا من الجاااني
مساء الخير علي الجميع
حل القضية من الحلقة التانيه من سلسلة قضايا من الجاني
بدأت اجمع الدوافع والادلة قدام عينيا
مصطفى هدد أخته انه هيرفع عليها قضية حجر ولو رفعها وهي في سنها ده بجانب انها بتاخد ادوية مهدئة وحالتها النفسية مش كويسة
هيكسبها وساعتها كل فلوسها هتروحله يعني لو فكر في قټلها واتكشف هيتسجن او
