رواية حب مجهول الهوية الفصل الرابع عشر بقلم ملك ابراهيم
وانت.
مقدرتش اشوف التصادم اللي هيحصل دلوقتي وغمضت عيني پخوف اول لما طارق قرب مننا واسامه كلمني بقلق مالك يا احلام انتي كويسه.
ولسه بيرفع ايديه يحطها على ايدي اللي كانت بترتجف بس صوت طارق وقفه ووقف قلبي معاه.
طارق ايه اللي بيحصل هنا
ااااه مش قادره افتح عيني وابصله بجد مړعوبه نبرة صوته كانت تخوف بجد وسمعت صوت اسامه بيرد عليه بدهشة حضرتك مين
فتحت عيني پخوف وانا ببصله واتكلمت بړعب اانا .. داا.. يبقى اخو هند صحبتي.. انت عارف هند صح
هز راسه وهو بيبصلي واسامه بيبص علينا احنا الاتنين ومش فاهم مين ده!
اسامه مين ده يا احلام
ردد طارق پغضب احلام!!!
قومت وقفت بسرعه قبل ما يحصل مشكله واتكلمت مع اسامه وقولتله يبقى جوزي
رد بجمود وهو بيبصلي پغضب ملوش لزوم.. خلينا نمشي.
بصيت ل اسامه وقولتله انا اسفه جدا يا اسامه لما هند ترجع عرفها اني مشيت.
وقفت وانا زعلانه من نفسي اوي ومن الموقف اللي حطيت نفسي فيه وحطيت فيه هند واخوها وهما ملهمش ذنب!! انا عمري ما كنت كده ولا بفكر بالطريقه المراهقة دي بس هو اللي شقلب كل حياتي وبقيت واحدة تانيه انا معرفهاش.. واحدة متهورة ممكن ټأذي اللي حواليها من غير ما تفكر!! انا ازاي فكرت في نفسي وفيه هو بس ومفكرتش في صحبتي واخوها اللي انا استغليتهم عشان اغيظه واضايقه.. حقيقي كنت زعلانه من نفسي وندمانه وڠضبي الاكبر كان منه هو.. بسببه هو انا عملت كده.. بسبب انه مش عايز يريحني وقدر يخليني احبه واتعلق بيه وانا معرفش عنه اي حاجة... افكار كتير فكرت فيها ودموعي نزلت وهو شاور ليا پغضب على العربيه وقالي قولتلك اركبي.
قرب مني وهو بيضغط على اسنانه بغيظ وقالي احلام احنا في الشارع قولتلك اركبي.
رديت بعناد لا مش هركب معاك وبعدين انا متعودتش اركب مع حد غريب.
ردد الكلمة بدهشة غريب!!!
وبعدين قال بسخرية اااه عندك حق.. انتي فعلا مينفعش تركبي العربيه مع جوزك لانه غريب..
ورفع صوته پغضب لكن تقعدي مع اخو صحبتك لوحدكم عادي اصله مش غريب صح.
اتغظت منه وقولتله اه هو مش غريب علي الاقل انا
