رواية نمري الوقح الفصل الرابع 4 بقلم زهرة الربيع

بس اتجمد مكانه لما شافها بلبس بيتي جميل اوي عليها وبتنشر هدومها على منشر صغير وبتغني بدلال ورقه وهيه بتتمايل وبتقول.. طب ايوه طب حاضر ما تقول لي اعمل لك ايه ..عمال تدلع تدلع تدلع وانا...
بس قطعت كلامها بزهول شديد لما كمل وقال بصوت جميل.. وانا قلبي يولع بيولع بيولع وانت ولا حاسس ومكبر ليه
اسرار شهت بزهول وضړبت على خدودها وقالت يا مصېبتي انت دخلت هنا ازاي وبقت تبص حواليها عايزه تلاقي اي حاجه تلبسها د وقال..طب ايه طب حاضر مش عارف ارضيك بأيه...ايه يا بنت الرقه والدلع ده.. ده انا قلبي مال مع زوايا وسطك
بلعت ريقها بارتباك وقالت والنبي يا بيه والنبي يعني انا سبت البيت علشان تيجي هنا يا خراااابي
عساف ضحك بشده وقال.. انتي فاكره لما تتحبسي هنا مش هعرف اوصلك.. قولي لي بقى مين ده اللي بتغنيله وبيتدلع عليك يا جميل
بصتله باستغراب بعنيها الواسعه المتكحله رباني بلونهم الرمادي الفاتح نظره ضړبت قلبو في مقټل ...اتنهد وقال يخربيتك..دي مش عيون ..دي افيون
اسرار كانت عايزه تضحك من كلامه حاولت تزقو وقالت سيبني يا بيه واطلع من هنا كفايه فضايح لاحسن حد يكون شافك وانت داخل
فضل يبصلها باعجاب وقال انتي جميله قوي يا اسرار واسم على مسمى كلك اسرار انا عمري ما خدت بالي من جمال عنيكي
اسرار نزلت عينيها بكسوف وعساف رفع وشها ليه وقال.. لا من هنا ورايح ما تبعدهمش ابدا عني..خليني دايما اشوفهم
اسرار فضلت بصاله شويه بتوهان بس افتكرت اللي عمله امبارح واتضايقت جدا دفعته بكل قوتها وقالت بزعيق انت فاكر اني نسيت اللي عملته امبارح طب ايه رايك بقى لو ما مشيت لاصوت والم عليك الدنيا ويشوفوا الباشا جاي ايه يعمل هنا في اوضه الخدم
عساف ضحك بشده وقعد على السرير وقال انت هبله قوي يا اسرار بجد والله هو انتي فاكره ان في حد هنا ممكن حتى يسألني..ولو سألني ممكن اجاوب ولو اتكلم عليا في ضهري من غير ما يجيب سيره قدامي هيهمني يعني..بس اعتقد بقى ان كل الحاجات دي هتهمك انتي وتخدش سمعتك
اسرار بصتلو بغيظ وقالت طب انت عايز ايه من الاخر
اسرار قربت منه وهي في قمه الغيظ وقالت في حاجه نفسي اديهالك من اول يوم شوفتك فيه لو تقبلها مني يعني
ابتسم وقال.. طرقعت بايدها على خده بقلم جامد جدا وقالت...بالشفاء ان شاء الله
عساف حرفيا اتجمد مكانه وحط ايده على خده وهو بيبصلها بزهول شديد ومش مصدق اللي عملته ابدا وقال پصدمه.. هو انت ضربتيني بجد
بلعت ريقها بارتباك وقالت بقوه مصطنعه..ان شاء الله
بصلها بزهول اكبر ومسكها من شعرها فجأه وقال.. انتي عارفه نفسك مديتي ايدك على مين ..ده انا ابويا ما عملهاش يا زباله و زقها
پغضب على السرير
وقال پغضب.. انت فاكره نفسك ايه يا بت ده انتي خدامه عارفه يعني ايه خدامه يعني ما حالتكش غير جمالك ده ولولاه محدش يعبرك
بصتله بدموع وقالت.. يبقى تسيبهولي يا باشا مدام ما عنديش غيره وانت عندك كتير يبقى تتقي ربنا وتسيبهولي.. ولا ما تعرفش ربنا
عساف الكلمه اثرت فيه جدا فضل باصص لها ولدموعها الي بتلمع في عينيها وقال... هتجوزك ..لو خاېفه من الحلال والحرام اتجوزيني قولتي ايه
اسرار اتسعت عينيها بزهول وقالت تجوزني انا تتجوزني انا ليه
قرب منها وقال قدام عينيها علشان نفسي فيكي ومش هسيبك قلتي ايه هكتب عليكي من غير ما حد يعرف اناخذ لنا يومين تبسطيني واوريكي الدنيا وكل واحد يروح لحاله وهتطلعيلك في الموضوع ده بقرشين حلوين قوي 
بقلم..زهرة الربيع
اسرار ضحكت بشده وقالت..يا سلام على الايمان انت بتضحك على مين اسمع يا بتاع انت انا مش عايزه اتجوز تمام يوم ما اتجوز هتجوز في النور قدام امة لا الاه الا الله كلها انا مش ناقصه ايده ولا ناقصه رجل علشان اتجوزك في السر
عساف بص على رجليها بوقاحه وقال لا من الناحيه دي مش ناقصه خالص
اسرار استغربت نظراتو كانت ناسيه انها لسه بلبس البيت شهقت وجريت على الدولاب جابت عبايه مفتوحه لبستها زي الجاكيت بسرعه وقفلتها وقالت بتوتر.. يلا اتفضل..احم كفايه اللي عملته النهارده يلا قبل ما حد يشوفك
ابتسم ونام على السرير وقال خليهم يجوا يشوفوني وقتها هتتحايلي عليا علشان اتجوزك
اسرار بصتلو وقالت.. يا ابن الناس اطلع بالذوق متخلينيش اتعامل معاك بطريقه مش هتعجبك
بصلها وقال بابتسامه... تصدقي بقيت احب مناقراتك دي قوي وببقى مبسوط قوي لما بتكوني جنبي
اسرار اتوترت من كلامو وقالت ..احم ده على اساس اني هصدقك كده على فكره انا مبيتاكلش بعقلي حلاوه
اسرار فصلت باصه في عيونه بس فاقت لنفسها وحاولت ما تهتمش بكلامه وقالت... وانا لاخر مره هقول لك هتمشي ولا لا
قعد برود وقال لا مش همشي مرات ابوكي قاعده هناك هتطول النهارده خلينا نتفاهم يا اقنعك يا تقنعيني
بصتلو پغضب شديد وقالت..بس انا عندي حل تالت
عساف بصلها باستغراب وقال.. حل ايه
ادي اخرة العك يا باشا الي جاي تحفه تفاااااااعل عاااالي يابنات عايزه تشجيع جااااامد