رواية حب مجهول الهوية الفصل الخمسون 50 بقلم ملك ابراهيم

حب_مجهول_الهوي
بقلم_ملك_إبراهيم 
اتنهد بتعب وقلة حيلة ونزل من العربيه وفتح باب العربيه اللي بحزن اعمل معاكي ايه بس!!.
طارق دخل القصر بهيبته وهو شايل احلام وطلع بيها على فوق على طول ودخل اوضتهم وحطها على السرير بكل هدوء وقعد جنبها وهو بيتأمل ملامحها وبيطمن قلبه انها رجعت وبقت في امان دلوقتي بس آن الاوان انها تعرف حجم الخطأ اللي عملته في حق نفسها قبل ما يكون في حقه.
تحت كان طاهر واقف مع هند وباباها ومامتها واسامه ورزان وكانت هند بتحكيلهم اللي حصل معاهم.
طارق قرب منهم ومكنش عنده فضول ابدا يعرف ايه اللي حصل معاهم كان بيكفيه ان حبيبته 

هند بصت ل طارق وقالتله احلام مظلومه مكانتش تعرف ان اختها بترتب لخطفنا وكمان كانت فاكره انكم انتوا اللي خاطفينا وبتهزروا معانا.
طارق رد پغضب مكتوم وانا هسيب شغلي وارجع من الاقصر عشان اهزر مع مراتي واخطڤها! معقول ده تفكير حد عاقل!!
طاهر قرب من طارق وهمس ليه طارق اهدا..
طارق بص ل هند اللي خاڤت منه ومن غضبه واتجمدت مكانها وقال بهدوء معلش انا اعصابي لسه تعبانه بعد اللي حصل عن اذنكم.
وخرج طارق من القصر واتكلم ابو هند والله الراجل عنده حق.. راجل عنده شغل ومش فاضي وانتي وصحبتك اغبى من بعض.
هند پبكاء وانا كنت عملت ايه يعني يا بابا هو احنا كنا نعرف انهم هيخطفونا.
طاهر بص ل هند انا هروح اشوف طارق.
طلع طاهر ورا اخوه وكان طارق بيركب عربيته لسه وطاهر قرب منه هتروح فين دلوقتي
طارق لازم اروح مدرية الأمن.
طاهر طب انا هاجي معاكي.
طارق باصرار خليك انت هنا عشان رزان واحلام وانا هروح اخلص الموضوع ده في المدريه وارجع الاقصر لان المؤتمر بكره وفي اجتماعات مهمه لازم احضرها.
طاهر طب نام وارتاح الليله دي والصبح خلص كل حاجة.
طارق مش هينفع يا طاهر انا لازم الصبح اكون خلصت كل حاجة هنا واسافر الاقصر.
طاهر بحزن تمام اللي تشوفه ربنا معاك.
طارق اتحرك بالعربيه في طريقه لمدرية الامن وطاهر دخل جوه القصر وكانت هند لسه پتبكي.
ابو هند ومامتها اتكلموا مع طاهر اول لما دخل القصر. 
ابو هند احنا هنمشي بقى يابني وكتر خيركم على اللي عملتوه النهارده.
طاهر وقفهم بقلق ثواني بس يا عمي ليه هتروحوا انتوا تقدروا تناموا هنا الليلة دي.
اتكلم اسامه بشغف وهو بيبص ل رزان اه ياريت.
رزان ابتسمت بخجل ومامت هند اتكلمت معلش يابني كتر خيرك انت واخوك تعبتوا النهارده واحنا كمان عايزين نرجع بيتنا ونرتاح فيه.
اتكلم ابو هند اه والله يابني انا مش برتاح في النوم غير وانا نايم على فرشتي.
طاهر تمام زي ما تحبوا بس اسمحولي اوصلكم لان الوقت متأخر اوي.
ابو هند كتر خيرك يابني يلا يا ام اسامه.
اتحركوا كلهم من الفيلا وطاهر اتكلم مع رزان بتأكيد