رواية بنت المنياوي (كاملة جميع الفصول) بقلم ماهي احمد
كنت.. كنت خلاص طالعه
المنياوي بيه طيب يلا بسرعه عشان عايزك
نورسين طيب اتفضل حضرتك وانا هاجي وراك
المنياوي لاء انا هستناكي خلصي بسرعه
نورسين بهمس وبعدين هنعمل ايه
بقلمي مآآهي آآحمد
هشام مسك نورسين وفتح الحنفيه وحط راسها تحت الحنفيه عشان شعرها يبان مبلول وجاب فوطه ولف شعرها عليها
وبقي يشاورلها انها تفتح الباب عشان تطلع
نورسين وهي بتشاور لهشام وبصوت واطي
نورسين طيب وانت هاتروح فييين
هشام بهمس انا هتصرف
نورسين طلعت وقفلت الباب وراها وهي لابسه البورنس وحطه الفوطه علي شعرها
نورسين نعم يابابا
المنياوي انا عايز اخد رايك في حاجه
نورسين اتفضل يابابا
هشام اول ما سمع كده قلبه ۏجعوه راح رجع بحركه لا اراديه منه راحت العلبه وقعت عملت صوت
المنياوي اي ده في ايه
نورسين ايه ابدا يابابا .. ما .. مافيش حاجه
المنياوي انا سامع حاجه وقعت جوه
نورسين يابابا صدقني مافيش
نورسين ده .. ده تلاقيه الهوا يابابا شوفت بقي
نورسين راحت قفلت باب الحمام مره تانيه وهي بتتنهد وبقت تحمد ربنا ان ابوها ماشفش هشام
هشام وقتها طلع بره الشباك وكان فيه زي حافه بسيطه اوي واقف عليها بالعافيه واول ما ابو نورسين طلع من الحمام دخل تاني من الشباك
نورسين نعم .. في ايه
المنياوي في العريس يانورسين
نورسين يابابا انا لسه بدرى عليا جدا للكلام ده انا لسه قدامي كليه
المنياوي واي المانع انك تتجوزي وتكملي الكليه برضوا
نورسين انا مش موافقه يابابا مش دلوقتي خالص
المنياوي اسمعي يانورسين هو مسافر دلوقتي ومش هييجي قبل شهر تقريبا عايزك في الوقت ده تفكرى كويس وشوفيه وبعد كده خدي قرارك
المنياوي مشي ونورسين قفلت الباب ورا باباها وطلعت تجري علي الحمام
لاقت هشام قاعد بقت تضحك
نورسين بضحك انت كنت فين
هشام وهو مخڼوق من اللي سمعه
هشام ماكنتش انت لازم امشي بصيلي بسرعه علي باباكي نزل ولا لاء
نورسين في اي ياهشام مالك
نورسين هشام انت بتقول اي
هشام انا قولت اللي عندي
هشام بص من البلكونه بتاعت نورسين لقى ابوها اتحرك بالعربيه ومشي نزل بسرعه من علي السلالم من غير ما حد يشوفوه وطلع علي الاوضه بتاعتهم
ماما هشام بخو ف وقلق كنت فين ياهشام طول الليل من امبارح
هشام كنت مع نورسين المنياوي بيه خلاني احرسها وماتخافيش هيديني مرتب
ماما هشام يابني ودراستك
هشام انا هعرف اوفق ما بينهم كويس اوي ماتقلقيش عليا
هشام طول اليوم كان كل شويه يبص علي بلكونه نورسين من الجنينه ونورسين مكانتش بتفتح البلكونه نهائي وحابسه نفسها في اوضتها وبس
عدي يوم والتاني وهشام مايعرفش عنها حاجه ابتدى يقلق بس مكانش عارف يطلعلها عشان يطمن عليها
واخيرا بيبص لقاها نازله ولابسه تي شيرت اسود وحاطه البيزونت علي راسها وبتحاول تطلع من باب الجنينه اللي ورا من غير ما هشام يشوفها
بقلمي مآآهي آآحمد
بس هشام كان مراقبها كويس اوي ومشي وراها وهي استخبت وطلعت وبقت تحاول توقف تاكسي وهشام عشان معاه مفتاح العربيه بتاعتها ركب عربيتها وراح وقف قدامها
هشام رايحه فين يانورسين
نورسين ابعد عني مالكش دعوه بيا
هشام بيبص لقى تحت عنيها اسووووود ووشها اصفر والعرق بينزل منها ومن غير ميكب نهائي
هشام ماتقلقيش انا عارف انتي رايحه فين الظاهر اني غلطت لما منعت عنك البرشام مره واحده
نورسين ايوه .. ايوه طبعا غلطت عارف .. عارف ياهشام انا هبطل بس .. بس ماينفعش ابطل كده علي طول حرام عليك انت كده عايز تقتلني
هشام طيب اركبي يانورسين
نورسين علي فين
هشام اعرف واحد بيبع الحاجات دي كويس
نورسين ركبت بسرعه
نورسين بجد بجد يا هشام
هشام اكيد بجد
هشام ساق العربيه ومشي وطلع فونه
هشام الوو انت فين
اللي بيكلمه
هشام تمام انا جيلك دلوقتي
اللي بيكلمه
هشام لا مذ هتأخر ماتقلقش
هشام بقي يمشي بالعربيه ونورسين كانت بتهرش في كل جسمها
نورسين بسرعه ياهشام مش قادره ھموت
هشام ماتقلقيش خلاص قربنا نوصل
هشام ودا نورسين زي حاره صغيره اوي وبيت حرفيا هيقع من كتر ما هو قديم
نورسين اي المكان ده ياهشام
هشام تعالي معايا وبس انتي مش عايزه البرشام
نورسين برشام .. حقنه .. هروين .. طابع مش هتفرق
هشام خلاص تعالي معايا وانتي ساكته
هشام خبط علي الباب وصحبه فتحله
نورسين دخلت هي وهشام
صاحب هشام طيب اناااا جاي تاني
نورسين هو رايح فين ياهشام
هشام هايروح يجيب الحاجه وجاي ماتقلقيش
صاحب هشام طلع وقفل الباب بالمفتاح وراه
نورسين هو .. هو بيقفل الباب وراه ليه ياهشام انت ناوي تعمل ايه
هشام مسك نورسين بسرعه وشالها وحطها في الاوضه
وجاب حبل ورماها علي السرير
نورسين هشام سيبني ياهشام حرام عليك جسمي كله بيتقطع
هشام مسك الحبل وبقي يربط نورسين من ايديها في السرير
وبعدها ربك رجليها
نورسين ياابن الكككككككككلب .. حرااااام عليك هموووووت سيبني ياهشاااااام
هشام طلع وقفل الباب وراه وبقي طول الليل يسمع شتايم من نورسين .. طول الليل حرفيا
مره تستعطفه والمره التانيه تشتمه ومره تصوت وهي مش قادره فعلا جسمها زي ما يكون بيتكسر
بقلمي مآآهي آآحمد
كل ده وهشام قاعد بره قدام الباب وهو قلبه بيتقطع عليها لحد ما بقي مش سامع لنورسين صوت خالص بيبص لقي الصبح طلع فتح عليها الباب لقاها نايمه ورايحه في النوم من كتر التعب بتاع طول الليل
بقلمي مآآهي آآحمد
قام بسرعه عملها فطار وكوبايه لبن ولما رجع لقاها صاحيه
نورسين فكني ياهشام
هشام مش دلوقتي
نورسين هشام انا بقيت كويسه وبعدين ميعاد الجرعه راح خلاص بس اكيد جسمي هيرجع ياكل فيا تاني هنعمل اي وقتها
بقلمي مآآهي آآحمد
هشام نورسين انتي عايزه تخفي ولا لاء
نورسين اكيد
هشام يعني ناويه
نورسين طول عمرى ببقي ناويه بس مش لاقيه حد جنبي ولو ابويا عرف ممكن ېقتلني فيها وامي نفسها مش عارفه تبطل
هشام قرب من نورسين
هشام انا هبقي جنبك بس انتي لازم تكوني مقتنعه
نورسين خليك جنبي وانا هعمل كل اللي اقدر عليه عشان ابطل
هشام طيب اسمعي انا عايزك تقولي لباباكي انك عايزه تروحي بكره رحله لشرم مع صحابك او الغردقه
نورسين وبعدين
هشام سيبي الباقي عليا
هشام فك نورسين وحطلها الفطار قدامها
هشام لازم تفطرى يانورسين
نورسين بتبعد كوبايه اللبن بايديها مش قادره
