رواية احببت أحدهم الفصل الثاني 2 بقلم دنيا حسن حفني
انت في الصفحة 1 من صفحتين
كارما: نعم، بتكلمني أنا
خالد باستغراب: أيوة ياكارما بكلمك انتِ هو في حد غيرنا
كارما ببرود: لا مفيش بس استغربت أصل مفيش حاجه بينا عشان تتعدى حدودك معايا وتقولي أني وحشتك مثلًا!
خالد پصدمة من ردها: مكنتش متوقع الرد دا منك يا كارما
كارما: أبهرتك صح! اممم طبعًا كنت مستني مني اني افرح وادمع واقولك وانت كمان ياروحي وحشتني وكأن أنت موجعتنيش.. دا انا مشوفتش في انانيتك ياشيخ.. عارف كنت مفكرة اني هبقى ملهوفة عليك كده وانك واحشني واني عاوزة اشوفك بس اللي حصل عكس كده خالص لما شوفتك محستش بأي انبهار ولا لهفه حسيتك عادي ابن خالتي واخويا وبس
خالد بعصبية: انتِ في حد دخل حياتك
كارما ببرود: اظن السؤال دا مش من حقك تسأله ليا دي خصوصيات
خالد بشك: اممممم ياستي من باب أننا اخوات
كارما: امممم عندي اتنين اخوات محدش قالك اني محتاجه التالت يابن خالتي.
واللي بينا انت نهيته بأيدك متجيش تفتح في القديم وجر وح اتقفلت من زمان عشان ۏجعها مش هيطول حد غيرك
خالد: اتغيرتي اوي ياكارما مكنتيش كده!
كارما: البركة فيك بس انا متغيرتش ولا حاجة
" الفرق انك مبقتش تهمني الاول كنت بشوفك بقلبي دلوقتي بشوفك بعيني"
فـ شوفت عيوبك وشوفت انك مش الشخص المناسب ليا
خالد: مش مناسب ليكي بعد 22سنة؟؟
دا انتِ متربية على إيدي.. دا أنتِ أول ما فتحتي فتحتي على إيدي ايه اللي اتغير ياكارما!!
كارما بأستهزاء: مفكرتش في كل دا ليه وانت بتقولي كلام زي السـ ـم وقتها كُنت حاسه بسكا كين بتقطع في قلبي
مش من كلامك بس لا من ان الكلام طلع منك انتَ يا خالد بعد أذنك سبني اخلص ووقفتنا مع بعض لوحدنا متصحش بعد اذنك لما اخلص ادخل اعمل اللي انت عايزو ولا اقولك خلص وبعدها هدخل أنا
-طلعت كارما من المطبخ وراحت البلكونه وسابت خالد في حيرته وصډمته من كلامها معاه
•فلاش باك كده..
كارما: بخ يا خالودي بتكلم مين ها ها قفشتك
خالد بتوتر: طيب اقفلي دلوقتي وشوية وهكلمك
كارما: أنت كنت بتكلم وحده؟
خالد: ايوة يا كارما في ايه
كارما: في أية!! انت بجد بتسأل في ايه
يعني انت متغير معايا عشان في غيري في حياتك ياخالد
خالد: بصراحه ياكارما أنا حاسس اني مشدود ليها وحاسس ان اللي بينا مكنش حب هو بس عشان من ساعه ما جيتي وهما بيقولو خالد لكارما وكارما لخالد وفسروا خۏفي عليكي على انه حب وغيرة بس دا واجبي انتي بنت خالتي وزي اختي
كارما بدموع: زي اختك وايه كمان كمل ياخالد
خالد: متصعبهاش عليا ياكارما لوسمحتي ياريت تفهميني وتقدري كلامي
كارما: لا متقلقش مش هصعبها عليك يابن خالتي يا اخويا
•• باكك
نزلت دمعة من عيون كارما ومسحتها بسرعة
كارما: اجمدي كده اجمدي مينفعش تتضعفي خليكي استرونج كده بدل ماكنتي استرونج على ظابط وجه في بالها حسام وافتكرت طريقته وضحكت
وفجاة تليفونها رن
كارما: يلهووي رقم غريب انا والله معملتش مصا يب وجمدت قلبها كده وردت
